Олимпиада жүлдегері титул үшін қашан жұдырықтасатыны белгілі болды

Фото © Tengrinews.kz / Тұрар Қазанғапов

Бокстан әуесқойлар арасындағы екі дүркін әлем чемпионы және Олимпиаданың қола жүлдегері Сәкен Бибосынов WBA Asia титулы үшін жұдырықтасады, - деп хабарлайды Tengri Sport Saikou Lush промоушеніне сілтеме жасап.

Бокстан әуесқойлар арасындағы екі дүркін әлем чемпионы және Олимпиаданың қола жүлдегері Сәкен Бибосынов WBA Asia титулы үшін жұдырықтасады, - деп хабарлайды Tengri Sport Saikou Lush промоушеніне сілтеме жасап.

28 жастағы қазақстандықтың қарсыласы Индонезияның жеңілмеген боксшысы Сурия Дхарма (4-0, 4 КО) болмақ.

Жекпе-жек 23 мамырда Бішкекте (Қырғызстан) өтеді.

Instagram-дағы бұл жарияланымды көру

SAIKOULUSH BOXING (@saikoulush) жарияланымы

Айта кетейік, бұл жекпе-жек бастапқыда 17 сәуірде өтуге тиіс еді, алайда жапониялық промоушен Таяу Шығыстағы қақтығысқа байланысты кездесуді кейінге шегерді.

Қазақстандық чемпион үшін бұл титул кәсіпқой бокстағы алғашқы белбеуі болуы мүмкін. Бұған дейін Бибосынов кәсіпқой рингтегі дебютін мерзімінен бұрын жеңіспен бастап, кейін тағы бір жеңіске жеткен болатын.

"Бұл - өте маңызды жекпе-жек. Титул үшін менің алғашқы кездесуім. Осындай мүмкіндік бергені үшін промоутерлерге алғыс айтқым келеді. Бұған көптен бері дайындалдым және жеңіске жетіп, жанкүйерлерді қуанту үшін жүз пайыз дайын болғым келеді. Сурия Дхарма – өте мықты қарсылас. Оның жекпе-жектерін көрдім. Мен де жақсы дайындықпен келемін, барлығын жеңіспен қуантқым келеді", - деді Сәкен жанкүйерлеріне жолдаған видеоүндеуінде.

Еске салайық, Сәкен Бибосынов – Қазақстандағы қазіргі ең атақты боксшылардың бірі. Оның еншісінде әлем чемпионатының екі алтыны (2021, 2025), Токио Олимпиадасының қоласы (2020) және Азия чемпионатының үш медалі (2021, 2022) бар.