Бұл Токиодағы турнирдің екінші айналымында Юлия Путинцеваны жеңгеннен кейін мүмкін болды.
Осылайша, Рыбакина маусымды әлемдік рейтингтің шыңында аяқтаған Қазақстанның алғашқы өкілі атанды.
"Жылды әлемдік рейтингтің бірінші сатысында аяқтайтыныма өте қуаныштымын. Осынау ғажайып жыл бойы маған қолдау көрсеткендердің бәріне алғыс айтамын. Келесі жылы да осындай жоғары деңгейде өнер көрсете беремін деп үміттенемін", - деп атап өтті Рыбакина.
Checking in with the Year-End World No. 1 presented by PIF, Elena Rybakina! 🏆 @PIF_en | #PIFWTARankings https://t.co/QtfH5UvGAc
— wta (@WTA) 29 қазан, 2026 жыл
Елена Рыбакина - 2026 жылдың қорытындысы бойынша әлемнің бірінші ракеткасы
Естеріңізге сала кетейік, қазақстандық теннисші өз мансабында алғаш рет ресми түрде US Open турниріндегі жеңісінен кейін, 14 қыркүйекте әлемдік рейтингте ресми түрде көш бастаған болатын.
Өткен аптада Рыбакина Нинбодағы (Қытай) WTA 500 сериялы турнирінде жеңіске жетті, бұл жеңіс оның жаңа мәртебесіндегі алғашқы жетістігі болды.
Қазіргі уақытта Елена Рыбакинаның WTA рейтингінің көш басында тұрғанына жетінші апта болды.
Рыбакинаның әлемдік рейтингте Арина Соболенкодан басымдығы қазір 1949 ұпайды құрайды және Беларусь теннисшісі маусым соңына дейін бұл айырмашылықты қысқарта алмайды. Алда теннисшілерді WTA Қорытынды турнирі күтіп тұр, онда қазақстандық спортшы өткен жылғы титулын қорғауға тырысады және 1500 ұпайынан айырылып қалуы мүмкін.