Рыбакина қарсыласын ойсырата жеңіп, Римдегі турнирдің ширек финалына шықты

Әлемнің екінші ракеткасы Елена Рыбакина Римде өтіп жатқан WTA 1000 санатындағы турнирдің ширек финалына шықты, - деп хабарлайды Tengri Sport Championat сайтына сілтеме жасап.

1/8 финалдық кездесуде Рыбакина әлемнің бұрынғы бірінші (қазір 130-шы) ракеткасы чехиялық Каролина Плискованы 6:0, 6:2 есебімен ұтты.

Рыбакина мен Плискованың кездесуі 59 минутқа созылған.

Рыбакинаның Римдегі келесі қарсыласы әлемнің 10-шы ракеткасы украиналық Элина Свитолина (7) болады.

Еске салсақ, бұған дейін Қазақстанның жұптық сындағы үздік теннисшісі Анна Данилина Римдегі WTA-1000 санатындағы турнирдің 1/8 финалына шыққан болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!