Рыбакина – Ningbo Open чемпионы! Елена финалда қарсыласын ойсырата жеңді

Фото: Xiao Jian/China News Service/VCG via Getty Images

Әлемнің бірінші ракеткасы Елена Рыбакина Қытайдағы Ningbo Open турнирінің чемпионы атағын қорғап қалды. Финалда ол канадалық Лейла Фернандесті жеңді, - деп хабарлайды Tengri Sport.

Бірінші сетте есеп 2:2 болған тұста Елена Рыбакина басымдықты өз қолына алды. Бесінші геймде қазақстандық теннисші алғаш рет брейк жасау мүмкіндігіне ие болып, оны мүлт жібермеді. Кейін жетінші геймде ол Лейла Фернандестің добын тағы да тартып алып, есепті 5:2-ге жеткізді, содан соң өз геймінде сенімді ойнап, сетті жеңіспен аяқтады.

Екінші партияда да Рыбакина кортта үстемдігін жалғастырды. Ол қарсыласының добына екі мәрте брейк жасап, 5:2 есебімен алға шықты, содан кейін матчті жеңіске дейін жеткізді.

Матч есебі - 6:2; 6:2 Елена Рыбакинаның пайдасына шешілді.

Instagram-дағы бұл жарияланымды көру

WTA (@wta) жарияланымы

Елена Рыбакина - Нинбодағы халықаралық теннис турнирінің екі дүркін жеңімпазы

Былтыр қазақстандық спортшы финалда Екатерина Александрованы 3:6; 6:0; 6:2 есебімен тізе бүктірген болатын. Бұл олжа Рыбакинаның WTA аясындағы 10-шы титулы болды.

Ал биылғы турнирде әлемнің бірінші ракеткасы бас жүлдеге барар жолда алдымен өзбекстандық Полина Кудерметованы мерзімінен бұрын жеңсе, кейін польшалық Катажина Каваны да қапы қалдырды.

Ал жарты финал матчте Польша өкілі ресейлік Диана Шнайдерден басым түсті.