Рыбакинаға спорттағы жетістіктері үшін сыйақы беріледі: қаржы қайдан бөлінеді?

Фото © Tengrinews.kz / Тұрар Қазанғапов

Әлемнің бірінші ракеткасы Елена Рыбакинаға мемлекеттен сыйақы берілмейді, деп мәлімдеді Қазақстанның туризм және спорт министрі Ербол Мырзабосынов, деп хабарлайды Tengri Sport.

Спорт ведомствосының басшысы қазақстандық теннисші Елена Рыбакинаға сыйақы тек теннис федерациясы тарапынан бюджеттен тыс қаражат есебінен төленетінін айтты.

"Елена Рыбакинаға қатысты айтар болсақ, Федерация желісі бойынша түрлі жарыстардағы жеңісі үшін қаржыландыру мен сыйақының өз шкаласы қалыптасқан. Бұл бағытта Теннис федерациясының президенті спортшыларды қолдап отыр. Бұл жүйе бюджеттен тыс қаражат есебінен пысықталған. Ол белгілі бір мөлшерде сыйақы алады", - деді министр ОКҚ-да өткен брифингте.

Еске сала кетейік, биыл Елена Рыбакина "Үлкен дулыға" сериясының екі турнирінде - US Open және Australian Open-де жеңіске жетті, сондай-ақ тарихта алдымен әлемдік рейтингтің шыңына шығып, кейін күнтізбелік жылдың соңына дейін бірінші сатыда тұрақтап қалған алғашқы қазақстандық атанды.

Айта кетейік, Қазақстанда спортшыларға халықаралық аренадағы жетістіктері үшін сыйақы төлеу жүйесі жұмыс істейді. Мәселен, Олимпиадада алтын алғаны үшін 250 мың доллар, ал олимпиадалық спорт түрлері бойынша әлем чемпионатындағы жеңісі үшін 15 мың доллар беріледі.

Instagram-дағы бұл жарияланымды көру

DELOS жарияланымы (@delos)

Дегенмен, спортшылар мемлекеттен төлем алатын жарыстар тізіміне теннистегі ең ірі кәсіби додалар - "Үлкен дулыға" турнирлері немесе WTA Қорытынды турнирі кірмейді.

Осыған ұқсас жағдайға қазақстандық шахматшылар да тап болды, оларға шахмат Олимпиадасының медальдары үшін мемлекеттік бюджеттен төлемдер қарастырылмаған.

20 миллион теңгеден: Спорт министрлігі шахматшылардың сыйақысына қатысты жағдайды түсіндірді

Елена Рыбакина 2026 жылы қанша табыс тапты?

Айта кетейік, Әйелдер теннис федерациясы спортшылардың салық төлегенге дейінгі сыйақы мөлшері туралы есеп береді. WTA мәліметінше, қазақстандық теннисші 2026 жылы 11 миллион 134 мың 420 доллар табыс тапқан.

Бұл соманың басым бөлігі US Open және Australian Open турнирлеріндегі жеңісі үшін берілген сыйақылардан құралды.

Instagram-дағы бұл жарияланымды көру

Elena Rybakina 🐠 (@lenarybakina) жариялаған жазба

Бұған дейін сарапшы Андрей Пак әлемдік рейтингте Елена Рыбакинаға ресейлік Мирра Андреева тарапынан қауіп төнгенін мәлімдеген болатын.

Кроссовка үшін алтыннан айырылды: Қазақстан сотқа жүгінді

Пікірлер