Рыбакинаны жеңген қазақстандық теннисшінің бұрынғы әйелі әлемдік рейтингте жоғарылады

Мадридтегі турнирден кейін австриялық теннисші Анастасия Потапова WTA әлемдік рейтингінде 18 сатыға көтерілді. 1/8 финалда ол әлемнің екінші ракеткасы Елена Рыбакинаны жеңген еді, деп хабарлайды Tengri Sport.

Өткен жылға дейін Ресей намысын қорғаған 25 жастағы теннисші Рыбакинаны екі сетте жеңіп, турнирдің жартылай финалына дейін жетті.

Онда Потапова украиналық Марта Костюкке есе жіберді, бірақ бұл оның рейтингте айтарлықтай ілгерілеуіне кедергі болмады.

WTA мәліметінше, Потапова қазір әлемнің 38-ші ракеткасы атанған, ал Мадридтегі турнирге дейін ол небәрі 56-шы орында болған еді.

Айта кетейік, 2024 жылдың қарашасына дейін теннисші ерлер турындағы Қазақстанның екінші ракеткасы Александр Шевченкомен некеде бір жылға жуық уақыт некеде болған.

WTA әлемдік рейтингіндегі қазақстандықтар

1/8 финалда жеңілгеніне қарамастан, қазақстандық Елена Рыбакина әлемдік рейтингтегі екінші орнын сақтап қалды, тіпті көш бастап тұрған беларусьтік Арина Соболенкоға жақындай түсті. Қазір олардың арасындағы алшақтық – 1 мың 555 ұпай.

Рыбакинадан кейінгі қазақстандықтардың тізімі келесідей: Юлия Путинцева (77-орын), карьерасын аяқтаған Зарина Дияс (318-орын), Жібек Құламбаева (391-орын), Аружан Сағандықова (710-орын) және Соня Жиенбаева (1031-орын).

Айта кетейік, әйелдер турындағы келесі ірі турнир – Римдегі (Италия) WTA 1000 жарысы осы аптада басталады.