Санжар Тәшкенбай айқын жеңіспен Қазақстанға бокстан Әлем кубогінің медалін сыйлады

Фото: Спортты дамыту дирекциясы

Қытайда өтіп жатқан Әлем кубогінің 1/4 финалында бокстан екі дүркін әлем чемпионы, қазақстандық Санжар Тәшкенбай қырғызстандық Анваржан Ходжиевті жарыс жолынан шығарды, деп хабарлайды Tengri Sport.

Қытайда өтіп жатқан Әлем кубогінің 1/4 финалында бокстан екі дүркін әлем чемпионы, қазақстандық Санжар Тәшкенбай қырғызстандық Анваржан Ходжиевті жарыс жолынан шығарды, деп хабарлайды Tengri Sport.

Жекпе-жек 50 келіге дейінгі салмақ дәрежесінде өтіп, үш раундқа созылды. Төрешілер әр раундта жеңісті бірауыздан қазақстандық боксшыға берді.

Кездесу 5:0 есебімен Санжар Тәшкенбайдың пайдасына аяқталды.

Аталған турнирде үшінші орын үшін жекпе-жектер өткізілмейді, сондықтан ширек финалдағы жеңіс қазақстандық спортшыға кем дегенде қола медальды қамтамасыз етті.

Еске сала кетейік, Санжар Тәшкенбай 48 және 50 келіге дейінгі салмақтарда әлем чемпионаттарында топ жарған, сонымен қатар ол қазіргі уақытта World Boxing нұсқасы бойынша әлем чемпионы.

Instagram-дағы бұл жарияланымды көру

Санжар Тәшкенбайдың жазбасы (@tashkenbay_sanzhar)

Айта кетейік, Тәшкенбай иеленетін медаль Қытайдағы Әлем кубогі кезеңінде Қазақстан құрамасы үшін төртінші, ал ерлер командасы үшін алғашқы жүлде болмақ.

Бұған дейін Дина Исламбекова (80 келіден жоғары), Назым Қызайбай (54 келіге дейін) және Виктория Графеева (60 келіге дейін) жартылай финалға шыққан болатын.

Виктория Графееваның камбэгі Қазақстан қоржынына бокстан Әлем кубогінің үшінші медалін салды