+7 (777) 001 44
99
Испаниялық маман "Челси" тізгініне Англия Премьер-лигасының маусымы аяқталғаннан кейін келді. Кеше оның жаңа командамен алғашқы ресми жаттығуы өтті.
Қазақстандық Дастан Сәтпаевтың Лондонда жүргеніне бірнеше күн болды, енді ол жаттығу барысында бапкермен танысты.
"Бұл күні "Челси" футболшыларының көпшілігі осы жазда Кобхэмге алғаш рет келді. Команда үшін бұл жаңа бас бапкер - Хаби Алонсомен танысудың алғашқы мүмкіндігі болды. Стандартты медициналық тексеруден өткен соң, ойыншылар күннің қатты ыстығына қарамастан жаттығу базасының алаңына шықты", - деп сипаттайды клубтың баспасөз қызметі.
Фото: chelseafc.com
Сәтпаев "Челси" сапында қашан дебют жасай алады?
Қазақстандықтың "Челсиге" трансфері өткен жылы жасалған болатын, бірақ вингер "Қайрат" сапында өнер көрсетуін жалғастырды. Ресми түрде Сәтпаев кәмелетке толғанға дейін, яғни 2 тамызға дейін Англияда жұмыс істей алмайды.
Сонымен қатар бұл жағдайдың ағылшын командасының шетелдік турнесі аясындағы ойындарға қатысу мүмкіндігіне әсер ететіні белгісіз. Шілде айының соңында "Челси" Аустралияға аттанып, онда бірнеше кездесу өткізеді.
Оның алғашқысы 28 шілдеде "Вестерн Сиднейге" қарсы өтеді.
Англия Премьер-лигасында "Челси" алғашқы матчін Қазақстан уақытымен 24-нен 25 тамызға қараған түні "Фулхэмге" қарсы өткізеді.
Instagram-дағы бұл жарияланымды көру
Алматыдан Лондонға аттанар алдында Дастан Сәтпаев оның мақсаты "сол жақта қалу" екенін мәлімдеді.
Бұл ретте оның Transfermarkt порталындағы құны 280 миллион теңгеге артты.
Сәтпаев кеткеннен кейін алматылық "Қайрат" қатарынан төрт жеңіске жетті, соның ішінде Чемпиондар лигасының іріктеу кезеңінің алғашқы матчында черногориялық "Сутьесканы" қапы қалдырды.
