Шавкат Рахмоновтың кейінгі қарсыласы UFC рейтингінің көшін бастады

Фото © Tengrinews.kz / Тұрар Қазанғапов

Ultimate Fighting Championship (UFC) баспасөз қызметі қазақстандық Шавкат Рахмонов өнер көрсететін жартылай орта салмақтағы файтерлердің жаңартылған рейтингін жариялады. Рейтингтің жаңа көшбасшысы ирландиялық Иэн Гэрри болды, деп хабарлайды Tengri Sport.

Ultimate Fighting Championship (UFC) баспасөз қызметі қазақстандық Шавкат Рахмонов өнер көрсететін жартылай орта салмақтағы файтерлердің жаңартылған рейтингін жариялады. Рейтингтің жаңа көшбасшысы ирландиялық Иэн Гэрри болды, деп хабарлайды Tengri Sport.

Ұйым соңғы турнирден кейін спортшылардың орнын өзгертті, аталған доданың басты жекпе-жегінде бұрынғы чемпион Джек Делла Маддалена Карлос Пратеске жол берген болатын.

Үшінші раундта Пратес қарсыласын шынтақпен соққының астына алды, содан кейін төреші жекпе-жекті тоқтатып, оған жеңісті мерзімінен бұрын берді.

Енді титулдың бұрынғы иегері үш сатыға төмендеді, ал оны жеңген файтер, керісінше, рейтингте жоғарылады.

Дегенмен, бұл жекпе-жектен ең көп пайда көрген ирландиялық Иэн Гэрри болды. Дәл соның есімі жартылай орта салмақтағы рейтингтің басына жазылды.

Шавкат Рахмонов дивизионындағы жағдай

Естеріңізге сала кетейік, жартылай орта салмақта Ислам Махачев чемпион болып отыр. Ол жеңіл салмақтан ауысқаннан бері тек Джек Маддаленаға қарсы жекпе-жек өткізіп, төрешілер шешімімен жеңіске жеткен болатын.

Рейтингтің көшбасшысы Иэн Гэрри атанды, оның еншісінде Карлос Пратес пен экс-чемпион Белал Мухаммадты жеңген сәттері бар. Бұл ретте Гэрри 2024 жылдың желтоқсанында қазақстандық Шавкат Рахмоновқа есе жіберген болатын.

Бұл жекпе-жек қазақстандық үшін промоушендегі әзірге соңғы кездесу болды және ол төрешілер шешімімен аяқталды.

Рейтингтің үшінші сатысы енді Пратеске тиесілі. Ол UFC-дегі барлық жекпе-жегін мерзімінен бұрын жеңгенімен, Гэрриге төрешілер шешімімен жол берген еді.

Фото: ufc.com/rankings

Шавкат Рахмонов дивизион көшбасшысы бола алар еді, бірақ әзірге жекпе-жекке шықпай жүр

Естеріңізге сала кетейік, қазақстандық Шавкат Рахмонов дивизион көшбасшыларының бірі болған, тіпті титулдық жекпе-жекке де мүмкіндік алған еді, бірақ қарсыласының жарақатына байланысты бұл кездесу өтпеді.

Рахмоновтың еншісінде UFC-дегі жеті жекпе-жекте жеті жеңіс бар, оның алтауын ол мерзімінен бұрын аяқтаған.

Қазір ол 2024 жылдың желтоқсанынан бері жекпе-жек өткізбегені үшін UFC рейтингінен шығарылды. Көпшілік Шавкаттың биыл оралуын күткен еді, бірақ қазіргі уақытта спортшы тағы да жарақатынан оңалып жатыр.