+7 (777) 001 44
99
Құрамында Қазақстанның аралас жекпе-жектегі ең танымал өкілі Шавкат Рахмонов бар Dar Team командасы оның жаттығуға оралғаны туралы хабардар етті, деп хабарлайды Tengri Sport.
Команда аккаунтында Шавкаттың UFC-дегі мансабының үздік сәттерінен құралған видео жарияланды.
Ролик сипаттамасында спортшының жанкүйерлері үшін маңызды хабарлама пайда болды.
"Шавкат Рахмонов қайтадан жаттығу залында!" - делінген мәлімдемеде.
Еске сала кетейік, Шавкат Рахмонов биылғы жылдың басында UFC-дің жартылай орта салмақтағы рейтингінде екінші сатыда тұрған болатын.
Қазақстандықтың алдағы уақытта октагонға шығуына кедергі болатын жарақаты ресми түрде расталғаннан кейін, ұйым оны рейтингтен алып тастады.
Instagram-дағы бұл жарияланымды көру
Шавкат Рахмонов - UFC-де титулдық жекпе-жек алған алғашқы қазақстандық
2024 жылы Шавкат Рахмонов әлемнің үздік промоушенінде титул үшін жұдырықтасатын еліміздің алғашқы өкілі болуы тиіс еді. Жоспарланған кездесуге бір ай қалғанда сол кездегі чемпион Белал Мухаммад жарақатына байланысты жекпе-жектен бас тартты.
Белалдың орнына ирландиялық Иэн Гэрри шығып, қазақстандыққа лайықты қарсылық көрсете білді – UFC-де алғаш рет Шавкат жекпе-жекті мерзімінен бұрын аяқтай алмады, бірақ бес раундтың қорытындысы бойынша төрешілер шешімімен жеңіске жетті.
2024 жылдың желтоқсанындағы бұл айқас Рахмоновтың UFC-дегі осы уақытқа дейінгі соңғы жекпе-жегі болды. Бұдан кейін қазақстандық спортшы жарақатын алға тартып, 2025 жылдың мамырындағы титулдық жекпе-жектен бас тартты, кейін оған ота жасалды.
Рахмоновтың UFC-дегі жаңа жекпе-жегінің мерзімі әзірге белгісіз, бірақ қазақстандық спортшы октагонға 2027 жылдан ерте оралмайды деп күтіледі.
Бұған дейін Шавкат Рахмонов бокстан әлем чемпионатының күміс жүлдегері Дулат Бекбауовпен бірге жаттығу өткізген болатын.
