Шерхан Қалмырза Англияға барды: мән-жайы

Фото © Tengrinews.kz / Болат Айтмолда

Алматылық "Қайраттың" қақпашысы Шерхан Қалмырза Қазақстанның 21 жасқа дейінгі жастар құрамасымен бірге Англияға ұшып барды. Қазақстандықтар Еуропа чемпионатына іріктеу кезеңінің шешуші ойындарын өткізеді, деп хабарлайды Tengri Sport Қазақстан футбол федерациясының (ҚФФ) баспасөз қызметіне сілтеме жасап.

Футболдан Қазақстан U-21 құрамасы британ аралдарында жастар арасындағы Еуропа біріншілігінің іріктеу кезеңі аясында екі матч өткізу үшін Лондонға барды. 25 қыркүйекте Вулверхэмптонда қазақстандықтарды Англия құрамасы қабылдаса, кейін команда Корк қаласына Ирландиямен ойынға аттанады.

Команданың Еуро іріктеуіндегі мақсаты қандай?

Алғашқы жеті кездесуден кейін Қазақстан U-21 құрамасы іріктеу кезеңінде төрт ұпай жинап, топта соңғы орында тұр. Англия мен Ирландия құрамалары сырт алаңдағы ойындарда басым түскен.

Ағылшындарды ірі есеппен жеңген жағдайда ғана команданың Еуропа чемпионатына жолдама алу үшін күресті жалғастыруға теориялық мүмкіндігі сақталады.

Екінші орынға ие болу үшін Ирландия мен Молдованы сырт алаңда жеңу қажет, сонымен қатар ағылшындар қалған барлық кездесуінде жеңіліске ұшырауы тиіс.

Instagram-дағы бұл жарияланымды көру

Қазақстан ұлттық футбол құрамасының жарияланымы (@kff_team)

Шерхан Қалмырза деген кім?

Айта кетейік, Қазақстан U-21 құрамасы сапында еліміздің ең танымал қақпашысы әрі ең танымал футболшыларының бірі Шерхан Қалмырза өнер көрсетеді.

19 жастағы қақпашы U-21 құрамасы сапындағы дебютін 2026 жылдың маусымында Беларусьпен өткен жолдастық кездесуде жасап, екі ойында да бір-бір голдан өткізіп алды.

Еске салсақ, "Қайрат" қақпашысы былтыр жасөспірімдер командасының ойыншысынан Чемпиондар лигасы матчтерінде негізгі құрамның мүшесіне айналған кезде бүкіл елге танымал болды.

Instagram-дағы бұл жарияланымды көру

Sherkhan Kalmurza-ның жарияланымы (@kallmurza)

18 жасында қақпашы "Спортинг" пен "Реалға" қарсы ойындарда негізгі құрамда шығып, бірнеше әсерлі сейв жасады және қазақстандық жанкүйерлердің де, қарсыластарының да құрметіне ие болды.

Қазір оның Instagram парақшасына 272 мың адам жазылған. Қазақстандық футболшылар арасында "Челси" ойыншысы, қазіргі уақытта жалға алу құқығымен "Бернлиде" ойнайтын Дастан Сәтпаевтың ғана оқырмандар саны бұдан көп.