+7 (777) 001 44
99
Қазақстан Туризм және спорт министрлігінің баспасөз қызметі Италиядағы Олимпиада жүлдегерлері мен олардың жаттықтырушыларына тиісті төлемдер берілгенін хабарлады, деп хабарлайды Tengri Sport.
Ведомство мәліметінше, төлемдердің жалпы сомасы 250 миллион теңгеден асады.
"Қазақстан Республикасы Үкіметі 2026 жылы Италияның Милан және Кортина-д’Ампеццо қалаларында өткен XXV қысқы Олимпия ойындарының жеңімпазы Михаил Шайдоров (мәнерлеп сырғанау) пен үздік алтылыққа енген Надежда Морозоваға (конькимен жүгіру) ақшалай сыйақы беру туралы қаулы қабылдады.
Қаулыға сәйкес, Үкімет резервінен спортшылар мен олардың жаттықтырушыларына төлемдер бөлінді. Жалпы алғанда, 2 спортшы мен 5 жаттықтырушы ақшалай сыйақы алды", - делінген Спорт министрлігінің хабарламасында.
Еске сала кетейік, заңнамаға сәйкес, мәнерлеп сырғанаудан Олимпиада чемпионы Михаил Шайдоров 250 мың доллар, ал алтыншы орын алған конькиші Надежда Морозова 5 мың доллар алады.
Сонымен қатар, Спорт министрлігінің ақпараты бойынша, әкімдіктер Олимпиада ойындарының жүлдегерлеріне жергілікті коммуналдық тұрғын үй қорынан тегін пәтерлер береді.
Шайдоровтың жалақысына қатысты дау
Еске сала кетейік, мамырда берген сұхбаттарының бірінде мәнерлеп сырғанаудан Қазақстаннан шыққан тұңғыш Олимпиада чемпионы тарихи жеңістен кейін жалақысынан айырылғанын және Ойындардағы жеңісі үшін ақша төленбегенін мәлімдеген болатын.
Туризм және спорт министрлігі бұған жауап ретінде спортшы жаңа келісімшартқа қол қоймайынша, оған төлем жасай алмайтындарын алға тартты.
Кейін Шайдоров өзіне қолайсыз болып көрінген келісімшарт талаптарын жария етті.
Бұл жағдай БАҚ пен әлеуметтік желілерде үлкен резонанс тудырғаннан кейін, министрлік өкілдері жаңа келісімшартқа қол қойылғанын және чемпионға тиесілі барлық қаражат жуырда төленетінін мәлімдеді.
Шайдоров жағдайдың реттелгенін растап, АҚШ-тағы оқу-жаттығу жиындарына аттанды.
Instagram-дағы бұл жарияланымды көру
Шайдоров елге тарихи алтын сыйлады
Айта кетейік, Михаил Шайдоров 2026 жылғы ақпанда Италияда өткен Олимиадада мәнерлеп сырғанаудан алтын иеленген болатын. Ол бағдарламаның бұл түрінен жоғары дәрежелі медаль жеңіп алған еліміздің алғашқы өкілі және кейінгі 32 жылдағы қысқы Олимпиаданың екінші жеңімпазы атанды.
Былтыр Шайдоров Әлем чемпионатының күміс жүлдегері атанып, Төрт құрлық турнирінде жеңіске жеткен еді.
Осылайша, Михаил қазіргі спортшылар арасында қысқы спорт түрлерінен еліміздің ең атақты өкілі болып отыр.
Шайдоровқа қатысты дауға кім жауап берді? Министр кінәлілерді атады
