Шенеуніктің айтуынша, Денсаулық сақтау министрлігі Қазақстанның Өзбекстандағы елшісі Ералы Тоғжановпен байланыста отыр. Сонымен қатар вице-министр кеңес өткізіп, әр баланың денсаулық жағдайы туралы мәлімет алды.
"Олар біздің хаттамалар бойынша толыққанды ем алып жатыр, жағдайлары тұрақты", - деді министр.
Әзірге балаларды Қазақстанға тасымалдау мәселесі қарастырылып жатқан жоқ.
"Егер мұндай қажеттілік туындаса, біз дайынбыз: Шымкент пен Түркістан облысында төсек-орындар дайындалды, қажетті дәрігерлер мен дәрі-дәрмектер бар", - деп толықтырды Әлназарова.
Балалардың денсаулығы не себепті нашарлағанын өзбек тарапы анықтап жатыр. Министр нәтижелер белгілі болған кезде егжей-тегжейлі ақпарат беруге уәде берді.
Денсаулық сақтау министрлігінің басшысы ПТР-тест нәтижелері мен балаларын үйіне алып кете алмаған ата-аналардың алаңдаушылығына қатысты ештеңе айтқан жоқ.
Бұған дейін қарағандылық жас футболшылардың ауруханаға жатқызылғаны туралы хабарланған еді. Оқиға Ташкенттегі турнир кезінде болған. Қарағанды облысының спорт басқармасының мәліметінше, ауруханаға 16 бала, жаттықтырушы және 11 ата-ана түскен. Ата-аналар балалардың денсаулығының нашарлауын қонақүйдегі таңғы аспен байланыстырды, ол кезде уланудың себебі ресми түрде анықталмаған болатын.
Тағы оқыңыз: Өзбекстанда қазақстандық жас футболшылар уланды: балалардың жағдайы туралы не белгілі?