+7 (777) 001 44
99
20 жастағы Саркенов 2025 жылы ҰХЛ драфтында 217-нөмірмен таңдалған соң Америкаға аттанған болатын. Жаңа маусымда ол енді қазақстандық жанкүйерлерді қуантатын болады.
– Неліктен "Барыс" жүйесіне қайта оралуды жөн көрдің?
"Отбасыммен және агентіммен ақылдаса келе, биылғы жылды "Барыста" өткізу туралы шешім қабылдадық. Қайта оралғаныма өте қуаныштымын, мұнда бәрі ыстық: арена, жанкүйерлер, тіл, мәдениет, ас. Мұндай жағдайда жаңа деңгейге көтерілу оңайырақ болады деп ойлаймын. Оның үстіне, мұнда әрі қарай өсіп-өркендеу үшін барлық жағдай жасалған", - деді ол.
– Алдағы маусымнан не күтесің?
"Маусымның басталуын асыға күтемін. Мен үшін бұл жаңа белес. Негізгі құрамға ілігіп, ҚХЛ-да ойнау үшін барымды саламын", - деп атап өтті хоккейші.
Америкада оған "Қазақ патшасы" деген лақап ат берілген, бірақ жалақы төленбеген
Еске сала кетейік, Асанәлі америкалық бірінші маусымында-ақ бірнеше әдемі голмен көзге түскен болатын, ал клубтың баспасөз қызметі оны "Қазақ патшасы" (Kazakh King) деп атаған еді.
Тілшімізге берген сұхбатында Саркенов мұндай лақап аттың өзіне ұнайтынын, бірақ оның әлі жиі қолданыла қоймағанын айтты.
Instagram-дағы бұл жарияланымды көру
Сондай-ақ хоккейші АҚШ-тағы жалақысы туралы сұраққа жауап берді.
– Ол жақтағы жалақы айырмашылығы қаншалықты? Мұнда қазір әлдеқайда көп табыс табуға болатын сияқты.
"Ол жақта жастар хоккейінде ешкімге ақша төлемейді. Тек жақсы тәжірибе жинау үшін ойнаймын", - деп ағынан жарылды ол.
Айта кетейік, биыл Саркенов әлем чемпионаты алдында ұлттық құраманың жиынына шақырылған болатын, бірақ бапкер оны Польшадағы турнирге апармауды жөн көрді. Келесі маусымда Қазақстан құрамасы тағы да элиталық дивизионда өнер көрсетеді.
Бұған дейін "Барыс" пен Қазақстан құрамасының аты аңызға айналған шабуылшысы Роман Старченко карьерасын аяқтайтынын хабарлаған болатын.
