Әйелдер теннисі қауымдастығы Индиан-Уэллсте (АҚШ) өткен WTA Қорытынды турнирінен кейін рейтингтің жаңартылған нұсқасын ұсынды.
Қазақстандық Елена Рыбакина бірінші орынын сақтап қалды. Екінші орын WTA Қорытынды турнирінің жеңімпазы Мирра Андрееваға бұйырды.
Әлемнің бұрынғы 1-ракеткасы Арина Соболенко рейтингтің үшінші сатысына сырғыды.
Скриншот: wtatennis.com
Еске сала кетейік, бұған дейін Рыбакина WTA Қорытынды турнирінен бас тартқан болатын. 2025 жылғы турнирдің қазіргі чемпионы шиеленісті маусымнан кейін денсаулығына байланысты титулын қорғай алмайтынын мәлімдеді.
Сондай-ақ телеарналардың бірі жариялаған, бірақ өтпей қалған сұхбат жанкүйерлердің алаңдаушылығын тудырды. Видеожазбада Рыбакинаның денсаулығы сыр бергені байқалған. Кейінірек теннисші қалпына келуге уақыт бөлетінін және 2027 жылғы маусымға дайындыққа баса назар аударатынын атап өтті.
[DEPORTES] "Өзімді жайсыз сезініп тұрмын": әлемнің 1-ракеткасы, қазақстандық теннисші Елена Рыбакина "денсаулық мәселелеріне" байланысты WTA Finals-қа қатыспайтынын жарияламас бұрын, сұхбатты кенеттен үзіп, тікелей эфир кезінде кетіп қалды. 📹 @CANALPLUS_SPORT https://t.co/yeZlNA43H4
— ElCanciller.com (@elcancillercom) 8 қараша, 2026
WTA Қорытынды турнирінде Мирра Андреева жеңіске жетті. 19 жастағы ресейлік спортшы турнир барысында бірде-бір рет жеңілмей, қарсыластарына бірде-бір сет берген жоқ. Финалда ол Элина Свитолинаны 7:5, 6:3 есебімен ұтты. Андреева 2004 жылдан бері Қорытынды турнирдің ең жас жеңімпазы атанды және Рыбакинамен арадағы ұпай айырмашылығын барынша азайтып, әлемдік рейтингте екінші орынға көтерілді.
“Әбден қажыған“: Рыбакинаның Қорытынды турнирден бас тартуына кінәлілер аталды