28 жастағы футболшы матч кезінде найзағай түсіп қаза тапты

Оқиға "Rembau Indian Veteran" және "Tanjung Minyak" командалары арасындағы жолдастық матч кезінде болған. Ойын басталғаннан он минут өткенде нөсер жаңбыр жауып, артынша күн күркіреген. Алаңда үш адам құлаған, олардың арасында Р. Танеш те бар.

Зардап шеккенді жеңіл көлікпен Алор-Гаджа ауруханасына жеткізген. Дәрігерлер бар күшін салғанына қарамастан, ол жансақтау бөлімінде көз жұмды.

Матч төрешісі жедел жәрдеммен ауруханаға жатқызылды. Зардап шеккен тағы бір адам медициналық көмектен бас тартты, оның жағдайы қанағаттанарлық.

Сондай-ақ жергілікті БАҚ-тың мәліметінше, осы оқиғадан кейін Малайзия футбол қауымдастығы қауіпсіздік хаттамаларын күшейтуге шақырды.

Айта кетейік, мұндай жағдайлар сирек болса да, бүкіл әлемдегі ойыншылар арасында кездесіп тұрады. Мәселен, бұған дейін 2024 жылдың күзінде перулік футболшы Уго де ла Крус Месуға найзағай түскені хабарланған болатын.

Сондай-ақ "Ллакта" командасының 40 жастағы қақпашысы зардап шеккені белгілі, ол денесін ауыр күйік шалып, таксимен ауруханаға жеткізілді. Сонымен қатар 16, 19 және 24 жастағы ойыншыларға көмек қажет болды.

Бұған дейін ақпанда Индонезиядағы жолдастық кездесу кезінде 30 жастағы футболшы да найзағай түсіп, күйіп қалғаннан кейін көз жұмған еді.

ӘЧ-2026-ға қатысып жатқан құрама бапкеріне тікелей эфирде әкесі қайтыс болғаны хабарланды: видео

Футболшының әйелі жер сілкінісі кезінде қызын құтқарамын деп қаза тапты