+7 (777) 001 44
99
Көп дүркін рекордшы, танымал босниялық және германиялық жекпе-жек шебері Мухамед Кахриманович Гиннесстің рекордтар кітабының кезекті сертификатына ие болды. Ол 50 дана сусын банкасын бір қолмен 21,32 секунд ішінде қиратып, ең жылдам уақыт көрсеткішін тіркеді.
Instagram-дағы бұл жарияланымды көру
Мухамед Кахриманович - Гиннесстің рекордтар кітабының аңызы
Тегі босниялық, қазіргі таңда Гамбургте (Германия) тұратын Мухамед Кахриманович - қол күшін қолдану арқылы жасалатын жетістіктер санаты бойынша Гиннесстің рекордтар кітабындағы ең көп атақ алған қатысушылардың бірі.
Қазіргі таңда оның есебінде ресми расталған және тіркелген 30 әлемдік рекорд бар. Кахримановичтің өзі әлеуметтік желідегі парақшасында шын мәніндегі жетістіктерінің саны 73-ке жеткенін жазған.
Instagram-дағы бұл жарияланымды көру
Кахриманович жекпе-жек өнерімен 40 жылдан астам уақыт бұрын айналыса бастаған. Ол ондаған жылдар бойғы жаттығулардың арқасында білегінің ерекше күші мен соққы техникасын дамытты. Осы қасиеті үшін оған "Балға қол" (Mr. Hammerhand) деген лақап ат берілген.
Ол әрқашан тхэквондоға көбірек көңіл бөліп, бұл спорт түрінен табысқа жетті және қара белбеу иегері атанды.
Алғашқы рекордын 2011 жылы Гамбургте орнатқан: ол бір минут ішінде бір қолмен 66 шыны бөтелкені шаққан болатын.
Instagram-дағы бұл жарияланымды көру
Оған ең үлкен танымалдылық қатты заттарды сындыруының арқасында келген:
- Бір минутта бір қолмен 148 кокос (2022);
- Бір минутта бір қолмен 68 бейсбол битасы (2022);
- Екінші қолымен шикі жұмыртқаны бүлдірмей ұстап тұрып, 63 алюминий банканы қиратқан (2022);
- Көзі байланған күйде бір қолмен 48 кокос (2025);
- Көзі байланған күйде 224 грек жаңғағы (2026).
Instagram-дағы бұл жарияланымды көру
Эрлинг Холанд Гиннесстің бірнеше дүркін рекордшысы атанды
