ӘЧ-2026: құрама шығып қалғаннан кейін бапкерге қоқан-лоқы көбейген

Фото: daykung/depositphotos.com

Оңтүстік Корея футбол құрамасының бұрынғы бапкері Хон Мён Бо Әлем чемпионатынан оралғаннан кейін қоқан-лоқыға тап болды. Команданың топтық кезеңнен шыға алмауына байланысты ол қызметінен кетті, - деп хабарлайды Tengri Sport Shanghai Daily басылымына сілтеме жасап.

Кореялық футболшылар 2026 жылғы Әлем чемпионатындағы күтпеген сәтсіздіктен кейін елге оралды. Әуежайда жанкүйерлер маманды ысқырып қарсы алды, бірақ бұл бапкердің басына түскен қиындықтың бергі жаға ғана еді.

"Жексенбіде кореялық интернет-қауымдастық пайдаланушыларының бірі өзін АҚШ-тың 41 жастағы азаматымын деп таныстырып, Инчхон әуежайында Хонгты өлтіремін деп қорқытқан хабарлама жариялады. Кейіннен бұл жазба өшірілді. Полиция тергеу жүріп жатқанын хабарлады", - дейді БАҚ.

Айта кетейік, жексенбі күні Хон Мён Бо бас бапкер қызметінен кеткен болатын, ал ел президенті Ли Чжэ Мён мұндай нәтиженің себебі футбол басшылығындағы "сыбайластық мен тамыр-таныстық" екенін айтты.

Оңтүстік Корея құрамасы Әлем чемпионатын Чехияны жеңіп бастағанымен, кейін Мексика мен ОАР-дан минималды есеппен жеңіліп, топта үшінші орынға тұрақтады.

Үшінші орын алған командалар кестесінде кореялықтар доп айырмашылығы бойынша (+2-ге қарсы -1) Сенегалға жол беріп, оныншы орынды иеленді және плей-оффқа шыға алмады.

Хон Мён Боға келер болсақ, ол Оңтүстік Корея құрамасының аңызға айналған футболшыларының бірі, команда сапында 136 ойын өткізген – бұл тарихтағы екінші нәтиже. Ол 2002 жылы өз елінде өткен Әлем чемпионатында жартылай финалға дейін жеткен команданың капитаны болды.

South Korea football coach Hong Myung-bo receives death threat after World Cup exit, police to deploy 100+ at Incheon

Hong resigned Monday after South Korea failed to advance past the group stage. On Sunday, a user on a Korean online community — claiming to be a 41-year-old U.S.… pic.twitter.com/T7IdZ6rSf2
— Shanghai Daily (@shanghaidaily) 29 маусым, 2026

2009 жылдан бастап ол ұлттық құрамада жұмыс істей бастады және содан бері бірнеше рет бас бапкер немесе бас хатшы қызметтерін атқарды.

🚨 | 𝐁𝐑𝐄𝐀𝐊𝐈𝐍𝐆: 𝐇𝐎𝐍𝐆 𝐀𝐑𝐑𝐈𝐕𝐄𝐒 𝐀𝐓 𝐈𝐍𝐂𝐇𝐄𝐎𝐍

Hong and several players arrived at 4AM hoping to avoid protesters, but a large crowd was waiting. 🤯

Fans banged drums, chanted "Hong Myung-bo out!" & hurled curses/insults at the coach. 🫡🇰🇷 pic.twitter.com/X2XWlEjLGW
— Joel Kim (@KNTFootball) 29 маусым, 2026