ӘЧ-2026: Уругвай мен Иран матчтері қалай өтті?

15-нен 16 маусымға қараған түні футболдан әлем чемпионатында G және H топтарының матчтері өтті. Барлық ойын тең есеппен аяқталды, деп хабарлайды Tengri Sport.

Сауд Арабиясы - Уругвай

Алғашқы болып Сауд Арабиясы мен Уругвай ұлттық құрамалары кездесті. Кездесу 1:1 есебімен тартысты тең аяқталды. 41-минутта "Әл-Наср" қорғаушысы Абдулла әл-Амри есеп ашып, саудтықтарды алға шығарды.

Кейінірек, 80-минутта "Спортинг" жартылай қорғаушысы Максимилиано Араухо гол соғып, таразы басын теңестірді.Скриншот: flashscorekz.com

H тобының турнирлік кестесі

• Уругвай - 1 ұпай;
• Сауд Арабиясы - 1 ұпай;
• Испания - 1 ұпай;
• Кабо-Верде - 1 ұпай.

Иран - Жаңа Зеландия

Күннің қорытынды матчі Иран мен Жаңа Зеландия құрамаларының кездесуі болды. Есеп 7-минутта ашылды. Жаңазеландиялық жартылай қорғаушы Элайджа Джаст қақпаны дәл көздеп, командасын алға шығарды. Кейін 32-минутта Иран қорғаушысы Рамин Резаян голмен жауап қайтарды. Екінші таймда Джаст дубль жасағанымен, ирандық форвард Мохаммад Мохеби есепті теңестіріп кетті. Кездесу қорытындысы - 2:2 есебімен тең аяқталды.

Скриншот: flashscorekz.com

G тобының турнирлік кестесі

• Жаңа Зеландия - 1 ұпай;
• Иран - 1 ұпай;
• Бельгия - 1 ұпай;
• Мысыр - 1 ұпай.

Бұған дейін Бельгия мен Мысыр құрамасы да тең тарқасқан болатын.