ӘЧ-26: АҚШ Босния және Герцеговинаны жарыс жолынан шығарды

2026 жылғы әлем чемпионатының 1/16 финалдық матчінде АҚШ Босния және Герцеговинаны 2:0 есебімен жеңді, деп хабарлайды Tengri Sport.

Алғашқы голды 45-минутта америкалық шабуылшы Фоларин Балогун салды.

Ал ойынның 82-минутында америкалық жартылай қолрғаушы Малик Тилльман айып соққысынан допты тікелей қарсыласының қақпасына бағыттады.

Айта кетсек, АҚШ ойыншылары 64-минуттан бастап 10 адам болып ойнады. Өйткені Фоларин Балогун қызыл қағаз алып қалған болатын.

Ойын Санта-Клардағы "Левайс" (АҚШ) стадионында өтті.

Еске салайық, бұған дейін Бельгия Сенегалдан жеңісті жұлып алған болатын. Одан бөлек Англия - Конго ДР матчінде Кейннің дублі ағылшындықтарға жеңіс сыйлады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!