ӘЧ-26: Кейннің дублі Англия - Хорватия матчінің тағдырын шешті

Маусымның 17-нен 18-іне қараған түні Англия құрамасы 2026 жылғы әлем чемпионатының L тобындағы бірінші тур матчінде Хорватияны жеңді, деп хабарлайды Tengri Sport.

Матч "Эй-ти-энд-ти" стадионында (Техас, АҚШ) өтті.

Айта кетейік, командалар соңғы рет 2018 жылғы мундиалда кездескен болатын, сол кезде хорваттар жартылай финалда қосымша уақытта ағылшындарды 2:1 есебімен ұтқан еді.

Командалар құрамы

Англия: Пикфорд (Қ), Джеймс, Конса, Стоунз, О’Райли, Райс, Андерсон, Мадуэке, Гордон, Беллингем, Кейн.

Хорватия: Ливакович (Қ), Шутало, Вушкович, Гвардиол, Станишич, Модрич, Пашалич, Перишич, Сучич, Батурина, Муса.

Матч барысы

Матчтің 9-минутында Лука Модрич өз айып алаңында дөрекі ойнап, төреші пенальти белгіледі. Допқа Харри Кейн жақындағанымен, хорваттардың қақпашысы Ливакович соққыны қайтарып жіберді. Алайда рефери ағылшындардың он бір метрлік соққыны қайта орындауы тиіс екенін көрсетті.

Нүктеге Англия құрамасының капитаны қайта келіп, 12-минутта қақпаның оң жақ бұрышына дәл соққы бағыттап, есеп ашты.

Хорваттар есепті 36-минутта теңестірді, "Комо" сапындағы Мартин Батурина допты ағылшын қақпасының тоғыздығына дөп түсірді.

42-минутта Харри Кейн бұрыштамадан асырылған допты басымен қақпаға тоғытып, дубль жасады.

Дегенмен, тайм соңында, 45+5-минутта, хорваттар тағы да есепті теңестіріп кетті. Шабуылшы Петар Муса айып алаңында Перишичтен пас алып, Англия құрамасының қақпашысы Джордан Пикфордты жақын қашықтықтан қапы қалдырды.

Екінші тайм голмен басталды, 47-минутта Джуд Беллингем ағылшындарды алға шығарды. Жартылай қорғаушы хорваттардың айып алаңына кіріп соққы жасады, бағанға тиген доп қақпа ішіне енді.

Ағылшындар басымдықты 85-минутта еселеді. Қосалқы құрамнан алаңға шыққан Маркус Рэшфорд айып алаңына басып кіріп, қорғаушыны алдап өтті де, Хорватия құрамасы қақпасының оң жақ бұрышына допты дәл бағыттады.

Матчтің қорытынды есебі — 4:2, Англия құрамасы жеңіске жетті.

18 маусым күні таңертең Өзбекстан құрамасы футболдан әлем чемпионатындағы алғашқы матчын өткізеді. Тарихи ойындағы қарсылас Колумбия командасы болмақ. Кездесудің трансляциясын қайдан көруге болатынын біліңіз.

Өткен матчта Португалия құрамасы 2026 жылғы әлем чемпионатының К тобындағы бірінші тур матчында Конго ДР командасымен кездесіп, тең түсті.