ӘЧ-26: “Ливерпуль” жұлдызының голы Швеция - Тунис матчінің тағдырын шешті

Швеция құрамасы Тунис командасын 5:1 есебімен жеңіп, футболдан әлем чемпионатында F тобында көш бастады, деп хабарлайды Tengri Sport.

Топтық кезеңдегі матч 15 маусымда Гуадалупадағы (Мексика) "Монтеррей" стадионында өтті.

Швеция - Тунис: ойын барысы

Ойынның 7-минутында-ақ Ясин Айяри шведтерді алға шығарса, 30-минутта "Ливерпульдің" жұлдызды шабуылшысы Александр Исак турнирдегі алғашқы голын соқты.

Тунистіктер үзіліске дейін Омар Рекиктің күшімен бір доп қайтарды, осылайша тайм 2:1 есебімен аяқталды.

Кездесудің екінші бөлігінде "Арсенал" сапындағы Виктор Дьекереш те турнирдегі голдарының есебін ашты. Келесі голды Маттиас Сванберг соқты – 84-минутта ол қосалқы құрамнан алаңға шыққаннан кейін допқа алғашқы жанасуымен-ақ гол соға алды.

Қосымша уақытта Ясин Айяри соңғы нүктені қойды – ол айып алаңының сыртынан алыс бұрышқа тамаша соққы бағыттады.

Матч есебі 5:1 – Швецияның пайдасына. Александр Исактың голы жеңіс сыйлаған доп болды.

Голдар мен авторлар

• 1:0 - Ясин Айяри (7-минут)
• 2:0 - Александр Исак (30-минут)
• 2:1 - Омар Рекик (43-минут)
• 3:1 - Виктор Дьекереш (59-минут)
• 4:1 - Маттиас Сванберг (84-минут)
• 5:1 - Ясин Айяри (95-минут)

F тобындағы жағдай

Тунисті ойсырата жеңгеннен кейін Швеция құрамасы F тобында көш бастады. Екінші орынды өзара тең ойнаған жапондар мен нидерландылықтар бөлісіп тұр.

1. Швеция - 3 ұпай
2. Нидерланды - 1 ұпай
3. Жапония - 1 ұпай
4. Тунис - 0 ұпай

Әрі қарай не болады?

Әлем чемпионатындағы келесі матчта шведтер Нидерланды командасына қарсы ойнайды. Ойын 20 маусымда Қазақстан уақытымен сағат 22:00-де басталады.

Тунис 21 маусымда сағат 09:00-де Жапонияға қарсы матч өткізеді.