UFC-дің жеңіл салмақтағы бұрынғы чемпионы Алджамейн Стерлинг Абу-Дабидегі Real American Freestyle (RAF) турнирі қарсаңында болған Усман Нурмагомедов пен Мераб Двалишвилиге қатысты атышулы оқиғаға қатысты пікір білдірді.
Америкалық спортшы шабуылдаушылардың әрекетін қатаң айыптап, жанжалға ағайынды Нурмагомедовтердің тағы біреуі, атап айтқанда Умар Нурмагомедов те қатысқанын айтты.
"Видеоға түспей қалған тағы бір жайт болды: Умар Нурмагомедов Мерабқа жақындап келіп, бетінен ұрды. Оның алдында ол сабырға шақырғысы келгендей сыңай танытқан. Ондай әрекеттен кейін адамды қалай сыйлауға болады?
Егер Усман Мерабқа жалғыз келгенде, оған ешқандай кінә артпас едім.
Бірақ артындағы бір топ досымен келіп бұлай істеу - айуандық әрекет. Сонымен қатар маған видеоға түспей қалған сәтте Сабаның қолын қайырып, басынан тепкенін айтты. Меніңше, бұл - адам өлтіруге оқталу", - деді Стерлинг.
🚨 Алджамейн Стерлингтің айтуынша, Умар Нурмагомедов Мерабқа жағдайды реттемек болғандай жақындап, кейін оны бетінен ұрып жіберген 😳 «Видео тоқтағаннан кейін Умар Мерабқа жақындап, бетінен ұрады. Оның келе жатқан түрі жанжалды баспақшы болғандай көрінген. Олар сол түрмеде қалуы керек еді. Мұндай қылықтары үшін олар әрдайым судан құрғақ шығып кетеді». (@espnmma арқылы)
— Championship Rounds (@ChampRDS)17 қараша, 2026 жыл
Ағайынды Нурмагомедовтер Двалишвилиге шабуыл жасады
Оқиға 2026 жылғы 11 қарашада Абу-Дабидегі (БАӘ) Hilton қонақүйі холында болған. Мераб Двалишвили өзінің күрес бәсекесі алдында RAF баспасөз қызметіне сұхбат беріп жатқан. Оның жанында жас грузин балуаны Саба Лазишвили болған.
Сол сәтте олардың артынан Усман Нурмагомедов бастаған топ келген. Усман Двалишвилиге бірдеңе айтып, бірден шапалақпен тартып жіберген. Осыдан кейін жаппай төбелес басталған.
Усман Нурмагомедов пен оның командасының Мераб Двалишвилиге тап берген толық видеосы (@RedCorner_MMA арқылы) https://t.co/ZG8VYu0I5D
— FearBuck (@FearedBuck) November 11, 2026
Күзетшілер қатысушыларды ажыратуға тырысқанымен, грузин спортшылары еденде жатқанда да соққы мен тебу тоқтамаған. Кейін Мераб беті қан-жоса болған видеосын жариялап, қарсыластарының бұл әрекетін сынап, нағыз балуандарға лайық емес деп атады.
Оқиғадан кейін Абу-Даби полициясы төбелеске қатысқандарды ұстады. Сот Усман Нурмагомедов пен оның бірнеше серігін алты айға бас бостандығынан айыруға, ірі көлемде айыппұл төлеуге және кейін елден шығаруға үкім кесті. Двалишвили мен оның серігіне айыппұл салынды, бірақ олар қамаудан босатылды.
RAF турниріндегі жеңісінен кейін Мераб Двалишвили БАӘ билігіне ұсталған спортшыларды босатуды сұрап өтініш білдірді. Ол ешқандай айып тақпайтынын мәлімдеді.
МЕРАБ ДВАЛИШВИЛИ RAF ТУРНИРІНДЕГІ ЖЕҢІСІНЕН КЕЙІНГІ СҰХБАТЫНДА НУРМАГОМЕДОВ КОМАНДАСЫН БОСАТУҒА ШАҚЫРДЫ 👏 https://t.co/f2Pb2oHyrk
— ACD MMA (@acdmma_) 14 қараша, 2026 жыл
Кейін Хабиб Нурмагомедовтің БАӘ-ге сапарынан соң жағдай өзгерді. Спортшылар қамаудан босатылып, бастапқы жаза жеңілдетілді: енді қамауға алынған 8 адамның әрқайсысы 150 мың дирхам (шамамен 18 миллион теңге) айыппұл төлеуі тиіс. Тараптар бір-біріне талап қоюдан бас тартты.
Сегіз сотталушы, оның ішінде Нурмагомедов командасының алты мүшесі бастапқыда алты айға бас бостандығынан айырылған болатын. Сейсенбі күні ADJD жариялаған қайта қаралған шешімге сәйкес, әрбір сотталушы оның орнына 150 000 AED (шамамен $40,800) айыппұл төлейді. Толығырақ: https://t.co/VpyFygM6qx
— ESPN MMA (@espnmma) 17 қараша, 2026 жыл
Хабиб өтініш жасаған: Усман Нурмагомедов Абу-Дабидегі түрмеден босатылды