“Адам өлтіруге оқталу“: UFC-дің экс-чемпионы ағайынды Нурмагомедовтердің шабуылына қатысты мән-жайды айтты

Фото: instagram.com/merab.dvalishvili/usman_nurmagomedovФото: instagram.com/merab.dvalishvili/usman_nurmagomedov

UFC-дің жеңіл салмақтағы бұрынғы чемпионы Алджамейн Стерлинг RAF турнирінде Усман Нурмагомедовтің Мераб Двалишвилиге жасаған шабуылы туралы егжей-тегжейлі айтып берді, деп хабарлайды Tengri Sport.

UFC-дің жеңіл салмақтағы бұрынғы чемпионы Алджамейн Стерлинг Абу-Дабидегі Real American Freestyle (RAF) турнирі қарсаңында болған Усман Нурмагомедов пен Мераб Двалишвилиге қатысты атышулы оқиғаға қатысты пікір білдірді.

Америкалық спортшы шабуылдаушылардың әрекетін қатаң айыптап, жанжалға ағайынды Нурмагомедовтердің тағы біреуі, атап айтқанда Умар Нурмагомедов те қатысқанын айтты.

"Видеоға түспей қалған тағы бір жайт болды: Умар Нурмагомедов Мерабқа жақындап келіп, бетінен ұрды. Оның алдында ол сабырға шақырғысы келгендей сыңай танытқан. Ондай әрекеттен кейін адамды қалай сыйлауға болады?
Егер Усман Мерабқа жалғыз келгенде, оған ешқандай кінә артпас едім.

Бірақ артындағы бір топ досымен келіп бұлай істеу - айуандық әрекет. Сонымен қатар маған видеоға түспей қалған сәтте Сабаның қолын қайырып, басынан тепкенін айтты. Меніңше, бұл - адам өлтіруге оқталу", - деді Стерлинг.

Ағайынды Нурмагомедовтер Двалишвилиге шабуыл жасады

Оқиға 2026 жылғы 11 қарашада Абу-Дабидегі (БАӘ) Hilton қонақүйі холында болған. Мераб Двалишвили өзінің күрес бәсекесі алдында RAF баспасөз қызметіне сұхбат беріп жатқан. Оның жанында жас грузин балуаны Саба Лазишвили болған.

Сол сәтте олардың артынан Усман Нурмагомедов бастаған топ келген. Усман Двалишвилиге бірдеңе айтып, бірден шапалақпен тартып жіберген. Осыдан кейін жаппай төбелес басталған.

Күзетшілер қатысушыларды ажыратуға тырысқанымен, грузин спортшылары еденде жатқанда да соққы мен тебу тоқтамаған. Кейін Мераб беті қан-жоса болған видеосын жариялап, қарсыластарының бұл әрекетін сынап, нағыз балуандарға лайық емес деп атады.

Instagram-дағы бұл жарияланымды көру

Merab Dvalishvili (@merab.dvalishvili) жарияланымы

Оқиғадан кейін Абу-Даби полициясы төбелеске қатысқандарды ұстады. Сот Усман Нурмагомедов пен оның бірнеше серігін алты айға бас бостандығынан айыруға, ірі көлемде айыппұл төлеуге және кейін елден шығаруға үкім кесті. Двалишвили мен оның серігіне айыппұл салынды, бірақ олар қамаудан босатылды.

Instagram-дағы бұл жарияланымды көру

Merab Dvalishvili (@merab.dvalishvili) жарияланымы

RAF турниріндегі жеңісінен кейін Мераб Двалишвили БАӘ билігіне ұсталған спортшыларды босатуды сұрап өтініш білдірді. Ол ешқандай айып тақпайтынын мәлімдеді.

Кейін Хабиб Нурмагомедовтің БАӘ-ге сапарынан соң жағдай өзгерді. Спортшылар қамаудан босатылып, бастапқы жаза жеңілдетілді: енді қамауға алынған 8 адамның әрқайсысы 150 мың дирхам (шамамен 18 миллион теңге) айыппұл төлеуі тиіс. Тараптар бір-біріне талап қоюдан бас тартты.

Хабиб өтініш жасаған: Усман Нурмагомедов Абу-Дабидегі түрмеден босатылды