Италия футболындағы мықты клубтардың біріне қарсы сырт алаңда өткен матчтің 53-минутында Марк Гуаль Эдмилсонның дәл пасына бірінші жетіп, қақпашымен жеке шығып, есеп ашты.
Комбинацияның әсерлі болғаны сонша, екі апта өтсе де, турнирдің баспасөз қызметі қазақстандық команданың ерекше голын еске алып жатыр.
"Эдмилсон мен Гуаль - мінсіз үйлесім", - деп жазды турнир аккаунты әлеуметтік желідегі видео сипаттамасында.
Айта кетейік, матч қорытындысы бойынша 1:1 есебі тіркеліп, бұл "Қайратқа" деңгейі жоғары қарсыласпен сырт алаңдағы кездесуде маңызды ұпай еншілеуге мүмкіндік берді.
Еурокубоктегі "Қайрат": плей-оффқа шығу мүмкіндігі бар
Еске сала кетейік, алматылық ұжым - биылғы маусымда еурокубокте өнер көрсетіп жатқан қазақстандық жалғыз клуб. Былтыр "Қайрат" Чемпиондар лигасының жалпы кезеңінде ойнаса, биыл Конференция лигасына жолдама алды.
Үш матчтен кейін команда қоржынында екі ұпай бар және турнир кестесінде 27-орында тұр. Плей-оффқа шығу үшін кем дегенде 24-сатыға көтерілу қажет - қазір бұл орынмен арадағы айырмашылық соғылған және өткізілген голдар бойынша небәрі үш доп болып отыр.
Келесі аптада "Қайрат" Конференция лигасы аясында 9-орында тұрған швециялық "Мьельбю" клубын қабылдайды, ал 10 желтоқсанда Алматыда Румынияның "Университатя Крайова" (8-саты) командасымен ойнайды.
Жалпы кезеңнің қорытынды кездесуін "Қайрат" 17 желтоқсанда Нидерландта "Твентеге" қарсы өткізеді.
ФИФА Ұлттар лигасы аяқталғаннан кейін Қазақстан құрамасына қатысты шешім қабылдады
“Қазақстандық маман басымдыққа ие болады“: ҚФФ жаңа бапкер іздеуге кірісті