“Ақша табайық“: атышулы блогер Конор Макгрегорды жекпе-жекке шақырды

Фото: instagram.com/loganpaul; Бейнеден кадрлар

Атышулы блогер әрі рестлер Логан Пол UFC жұлдызы, бұрынғы екі дүркін чемпион Конор Макгрегормен жекпе-жек өткізгісі келетінін айтты, - деп хабарлайды Tengri Sport.

Логан Пол өзінің подкаст эфирінде Конор Макгрегордың Макс Холлоуэйден жеңілгенінен кейін жұлдызды ирландиялықпен жұдырықтасуға қызығушылық танытқанын мәлімдеді.

Пол менеджеріне хабарласып, осындай жекпе-жек ұйымдастыру мүмкіндігін қарастыруды сұраған.

"Конор жеңілгеннен кейін бастығыма: "Конордың дәуірі бітті. Бірдеңе істе! Осы жағдайды пайдалан! Ақша табайық, мені онымен төбелестір!" деп хабарлама жаздым.

WWE-дің ірі жұлдызы WWE-дің тағы бір ірі жұлдызына қарсы, өйткені ол қазір дәл сондай деңгейде", - деді Логан Пол подкаст кезінде.

🚨Логан Пол Конор Макгрегор жеңілгеннен кейін Пол Левекке (Triple H) жекпе-жек ұйымдастыру туралы жазғанын мәлімдеді — Логан Пол Конор Макгрегорға қарсы. 📱

"WWE-дің үлкен жұлдызы WWE-дің үлкен жұлдызына қарсы, өйткені ол [Конор] қазір сондай күйде.

Қазіргі уақытта Конор WWE деңгейінде. Өйткені оның шамасы... pic.twitter.com/A2Kfs2vrGu
— MMA Pros Pick (@MMA_PROS_PICK_) July 22, 2026

Конор Макгрегордың сәтсіз оралуы

UFC 329 турнирі Конор Макгрегордың ұзақ үзілістен кейін октагонға оралуымен есте қалуға тиіс еді. Алайда жекпе-жек бірінші раундта-ақ күтпеген жерден аяқталды.

Кездесу кезінде Макгрегор секіріп соққы жасауға әрекеттенген соң құлап қалды. Ол орнынан тұрып, бірнеше соққы жасап үлгергенімен, қайтадан тепе-теңдігін жоғалтты.

КОНОР МАКГРЕГОР МЕН МАКС ХОЛЛОУЭЙ АРАСЫНДАҒЫ БҮКІЛ ЖЕКПЕ-ЖЕК БІР ВИДЕОДА #UFC329 pic.twitter.com/nYfYSA2kgJ
— FADE (@FadeAwayMedia) 12 шілде, 2026 жыл