Әлем чемпионатындағы құрама дәрігері гинеколог болып шықты: футболшылар оған сенбеген

Құраманың әлем чемпионатындағы нәтижелеріне арналған баспасөз мәслихатында Фаль ұлттық команда ойыншыларының дәрігерге сенім артпағанын айтты.

Оның сөзінше, құрамада 10 жыл бойы жұмыс істеген дәрігердің мамандығы гинеколог болған.

"Жетекші дәрігердің, шын мәнінде, біздің спортшыларымызға медициналық қызмет көрсету үшін бейіндік дайындығы жетіспейді. Мен мұны тым кеш білдім, өйткені доктор Федиор - мамандығы бойынша гинеколог. Маған жеткен пікірлерге қарағанда, жас спортшылар өз денсаулығын сеніп тапсыру үшін оның біліктілігіне жекілікті деңгейде сенімді болмаған. Сондықтан олардың көңілі орнында болуы үшін бізге беделді тәжірибесі бар маман табу керек еді - өйткені денсаулық бәрінен биік", - деді Фаль.

Федерация басшысының мәлімдемесі ресми дереккөздермен расталмады. Елдің Медициналық қауымдастығының мәліметінше, құрамада 2017 жылдан бері жұмыс істеп келе жатқан доктор Федиоренің "спорттық дәрігер" мамандығы бар.

Фото: ordremedecins.sn/tableau/

Сенегал құрамасы ӘЧ-2026 турнирінде

Еске сала кетейік, Сенегал құрамасы футболдан әлем чемпионатының плей-офф кезеңіне Франция мен Норвегия бар топта үшінші орынмен шыққан болатын.

1/16 финалда команда Бельгия құрамасымен кездесіп, 51-ші минуттан 86-шы минутқа дейін 2:0 есебімен алда тұрды. Алайда матч соңында команда екі гол жіберіп алып, қосымша уақытта есе жіберді.

Дәрігердің жұмысына келетін болсақ, турнирдегі команданың басты мәселесі негізгі қақпашы Эдуард Мендидің жарақаты болды. Ол норвегиялықтарға қарсы екінші тур матчінде алаңнан шығып кетіп, қайта қалпына келе алмады.

Қақпашының өзі команда жарыстан шығып қалған соң, команданың басқа басшылыққа лайық екенін меңзеп жазба жариялады.

"Егер біз ең биік шыңдарды бағындырғымыз келсе, өзімізге дұрыс сұрақтар қойып, дұрыс шешімдер қабылдап, талап деңгейін көтеруіміз керек. Сенегал сәтсіздіктерді сабаққа, ал сабақтарды жеңіске айналдыра алатын команда мен Федерацияға лайықты", - деді ол.

Бельгия ӘЧ-2026 1/8 финалдық матчында Сенегалдан жеңісті жұлып алды

Бұған дейін Франция - Испания жартылай финалы туралы каталониялықтардың вингері Ламин Ямаль пікір білдірген болатын.

Ал Аргентинаның әлем чемпионатына қатысуына қарсы петиция құрылып - оған үш күн ішінде 3,5 миллион адам қол қойды.