“Аңыз адамға буллинг жасап жатыр“: Сабина Алтынбекова Криштиану Роналдудың осал тұсын атады

Фото: instagram.com/altynbekova_20; mrogowski_photography/depositphotos.com

Танымал қазақстандық волейболшы Сабина Алтынбекова Португалия ойыншыларының футбол жұлдызы Криштиану Роналдуға көзқарасы туралы пікір білдірді, деп хабарлайды Tengri Sport.

Қазақстандық волейболшы әлеуметтік желідегі парақшасында Португалия құрамасы мен Сауд Арабиясының "әл-Наср" клубының жұлдызды шабуылшысы Криштиану Роналдуға қатысты ойын айтты.

Алтынбекова әйгілі шабуылшыға қолдау білдіріп, қалай болғанда да ол үздік екенін мәлімдеді.

"Аңыз адамның өзіне командаластары буллинг жасап, көре алмай жатқан сәт. Командалық спорттың түрі сондай, сен жалғыз ештеңе өзгерте алмайсың. Лайықтылар әрдайым алда болады. Үздігі - Криштиану", - деп жазды Алтынбекова әлеуметтік желіде.

Скриншот: instagram.com/altynbekova_20

Португалия 1/8 финалда жеңіліп, ӘЧ-ден шығып қалды

Еске сала кетейік, Испания құрамасы Португалияны 2026 жылғы Әлем чемпионатынан шығарды. Кездесу тағдырын 90+1-минутта қосалқы құрамнан шыққан испандық Микель Мерино соққан жалғыз гол шешті.

Матчтің қорытынды есебі - Испания құрамасының пайдасына 0:1.

Instagram-дағы бұл жарияланымды көру

Portugal (@portugal) жариялаған жазба

Финалдық ысқырықтан кейін Криштиану Роналду көз жасына ерік берді. Матчтен соң ол бұл мундиаль оның мансабындағы соңғысы болатынын айтты.

Жұлдызды португалиялық алаңда толық 90 минут өткізді, ал турнир барысында 5 матчте 3 голмен (Өзбекстан қақпасына 2 және Хорватияға 1) көзге түсті.

Криштиану Роналду Португалия турнирден шыққаннан кейін көз жасына ерік берді, бұл оның соңғы әлем чемпионаты болуы мүмкін pic.twitter.com/Dvs3mdEhCp
— Vidol (@imVidol) 6 шілде, 2026 жыл

Сабина Алтынбекова - қазақстандық волейбол жұлдызы

Еске сала кетейік, Сабина Алтынбекова 17 жасынан бастап Қазақстанның түрлі жастағы құрамаларына шақырылып келеді, ал 2014 жылы волейболдан жасөспірімдер арасындағы Азия чемпионатында нағыз жұлдызға айналып, турнирдің ең сұлу спортшысы деп танылған болатын.

Танымалдылыққа ие болғаннан кейін Алтынбекова шетелдік командаларда өнер көрсетті: жапониялық GSS Sunbeams, БАӘ-нің "Әл-Васл" және Индонезияның Yogya Falcons клубтарында ойнады.

Instagram-дағы бұл жарияланымды көру

Sabina Altynbekova | S20 (@altynbekova_20) жарияланымы

Ол соңғы маусымын елордалық "Астана" сапында өткізді, алайда 2026 жылдың ақпанында волейболшы тұрақты маусым аяқталуға бір ай қалғанда қазақстандық командамен келісімшартты екіжақты келісім бойынша бұзды.