Криштиану Роналду 2026 жылғы Әлем чемпионатынан шығып қалғаннан кейін мәлімдеме жасады

Фото: thenews2.com/depositphotos.com

Футболдан Португалия құрамасының жұлдызы Криштиану Роналду әлеуметтік желіде оқырмандарына үндеу жасады. Бұған дейін оның командасы әлем чемпионатының 1/8 финалында жарыс жолынан шығып қалған болатын, деп хабарлайды Tengri Sport.

Португалия құрамасы плей-офф кезеңінің екінші раундында Испания командасына 0:1 есебімен жол берді. Баспасөздегі мәлімдемелерге қарағанда, бұл матч Криштиану Роналду үшін әлем чемпионаттарындағы соңғы ойын болды.

"Португалия – мәңгілік", - деп мәлімдеді ол жеңілістен кейін бір күн өткен соң әлеуметтік желіде.

Айта кетейік, Криштиану Роналду - тарихта алты бірдей әлем чемпионатында гол соққан алғашқы футболшы.

ӘЧ-2026 турнирінде ол үш гол соғып, 41 жасында команданың үздік сұрмергені атанды.

Instagram-дағы бұл жарияланымды көру

Cristiano Ronaldo (@cristiano) жарияланымы

Криштиану Роналду 2026 жылғы Әлем чемпионатында

Еске сала кетейік, испаниялықтардан жеңілгеннен кейін Криштиану Роналду эмоциясын тежей алмады - операторлар оның көзіне жас алғанын байқап қалды.

Сонымен қатар Криштиану жеңіліс тапқан матчтің өзінде рекорд орнатты: ол плей-офф кезеңінде толық матч өткізген ең ересек футболшы атанды.

Криштиану Роналду Португалия турнирден шыққаннан кейін көз жасына ерік берді, бұл оның соңғы әлем чемпионаты болуы мүмкін pic.twitter.com/Dvs3mdEhCp
— Vidol (@imVidol) 6 шілде, 2026 жыл

Бұдан бөлек, ол барлық қатысушы арасында қақпаға ең көп соққы бағыттаған ойыншы болды, бірақ әріптестері үшін бірде-бір голдық сәт жасаған жоқ.

Аңызға айналған португалиялық футболшы әлем футболының басты шыңын бағындыра алмады - ол әлем чемпионы атанбады. Испаниямен матч алдында ол бұл турнир оның мансабындағы соңғы мундиаль болатынын жариялаған еді.