Аңызға айналған Роналдиньо футболға оралды: жаңа командадағы таныстырылымы өтті

Италияның үшінші дивизионындағы клуб маусымды 24 тамызда "Реджанамен" сырт алаңдағы кездесумен бастайды. Алайда "Равенна" матч қарсаңында жанкүйерлер үшін ауқымды шара өткізіп, онда барлық жаңа ойыншыларды, соның ішінде Роналдиньоны да таныстырды.

Тұсаукесер алдында 46 жастағы ойыншы журналистер сұрағына жауап берген.

- Алаңға шығу үшін сізге қанша уақыт қажет болуы мүмкін?

"Менің жағдайым жақсы", - деп күле жауап берді футболшы.

"Ол бабында, бабында", - деп растады клуб президенті Игнацио Чиприани.

Сол баспасөз мәслихаты аясында команда жетекшісі Роналдиньоның келуі тек маркетинг емес екенін айтты.

- Роналдиньоның алаңға шығу мүмкіндігі қаншалықты жоғары?

"Иә, ол команданың мүшесі болады, бірақ дүйсенбі күні әлі алаңға шықпайды", - деді ол.

Ал Роналдиньо өз міндетін "командаға шабыт беру" деп сипаттағанымен, ойнау мүмкіндігін жоққа шығармады.

"Егер гол соқсам, "Равеннадағы" тәжірибем одан әрі тамаша болады, бірақ менің ойнау-ойнамауымды президент пен жаттықтырушы шешеді", - деп атап өтті Роналдиньо.

Роналдиньо - "Алтын доп" иегері

46 жастағы бразилиялық өзінің мансабын 1998 жылы "Гремиода" бастап, 2015 жылға дейін футбол ойнады.

Роналдиньо мансабының ең жарқын кезеңін 2003-2008 жылдар аралығында "Барселонада" өткізді. Ол командаға Бразилия құрамасы сапында әлем чемпионы атанып келді және клубқа Чемпиондар лигасын жеңіп алуға, сондай-ақ Испанияның екі дүркін чемпионы атануға көмектесті.

2005 жылы Роналдиньо әлемнің үздік футболшысы деп танылып, "Алтын доп" алды, ал жанкүйерлер әлі күнге дейін "Бразилиялық сиқыршының" аңызға айналған финттері мен соққыларын еске алады.

Бразилиялықтың мансабының үлкен бөлігі Италиямен байланысты. 2008-2011 жылдар аралығында ол "Миланда" ойнап, ел чемпионы атанды.

Ол мансабын ресми түрде 2015 жылы бразилиялық "Флуминенседе" аяқтаған болатын, ал 11 жылдан кейін "Равенна" Роналдиньоның мансабын олардың сапында қайта бастайтынын хабарлады..

Роналдиньо футболға қашан оралады?

"Равенна" президенті бразилиялықтың "Реджанаға" қарсы сырт алаңдағы матчке бармайтынын мәлімдегенін ескерсек, Роналдиньоның оралуы 29 тамызда "Латинаға" қарсы өз алаңындағы ойында болуы мүмкін.

Бұған дейін "Қайраттың" жаттықтырушысы Рафаэль Оразбахтин Қазақстан құрамасының вингері Дастан Сәтпаевтың "Бернлиге" ауысуы туралы пікір білдірген болатын.

Ал алматылық "Қайрат" Еуропа лигасының ортақ кезеңіне шығу үшін өткен плей-офф кезеңінің алғашқы матчінде Бельгия клубынан "Андерлехтінен" 0:3 есебімен ұтылды.