Аргентина футболшылары Англияны жеңгеннен кейін арандатушылық жасады

Видео кадрлары

Әлем чемпионатының жартылай финалында Аргентина - Англия матчі аяқталған соң, Аргентина футболшылары алаңға арандатушылық жазуы бар плакат алып шықты. Tengri Sport осы қысқа мәлімдеменің астарында не жатқанын түсіндіреді.

Әлеуметтік желіде Аргентина құрамасының ойыншылары жеңісті жартылай финалдан кейін қолына "Мальвин аралдары – бұл Аргентина" деген небәрі үш сөзден тұратын шағын плакат ұстап тұрған фото мен видеолар пайда болды.

Осылайша, ойыншылар Англия мен Аргентина арасындағы жылдар бойы футбол алаңынан тыс жалғасып келе жатқан текетіресті одан әрі өршітті.

"Мальвин аралдары" – бұл Фолкленд аралдарының аргентиналық атауы. Аталған даулы аумақ Аргентинаға әлдеқайда жақын орналасқанына қарамастан, Англияға тиесілі.

OJALÁ SE PRONUNCIARAN MÁS A FAVOR DEL PAÍS.
Pero esto es un paso enorme para la selección.

LAS MALVINAS SON ARGENTINAS pic.twitter.com/vw5cBKbTyf
— DDLOVΛTIC 🇦🇷| ⁹/⁹💋 (@LOVATICDCORAZ0N) July 15, 2026

Британдықтар архипелагты 1833 жылы басып алған болатын, ал XX ғасырда аргентиналықтар аралдарды өз туының астына әскери жолмен қайтаруға тырысты. 1982 жылы Англия мен Аргентина бұл аумақтар үшін 74 күндік соғыс жүргізіп, ол шабуылдаушы тараптың жеңілісімен аяқталды.

Қақтығыс нәтижесіне қарамастан, Аргентина мен БҰҰ Фолкленд аралдарын әлі күнге дейін даусыз Англия аумағы ретінде танымайды.

Соғыс және “Құдайдың қолы“: неге Англия - Аргентина матчін жай ғана футбол деуге келмейді?

Жанкүйерлерге матч кезінде Фолкленд аралдары туралы пікір білдіруге тыйым салынды

Ойын қарсаңында Қауіпсіздік министрі Алехандра Монтеолива Мальвин аралдарының Аргентина құрамында екені туралы мәлімдемелер саяси болып саналатынын және бұған матчте жол берілмейтінін ескертті.

Нәтижесінде тыйымды жанкүйерлер емес, футболшылар бұзды, енді бұл Аргентина футбол федерациясына кесірін тигізуі мүмкін. ФИФА айыппұл салуы ықтимал, себебі Әлем чемпионатында кез келген саяси мәлімдемелерге тыйым салынған.

Аргентина камбэк жасап, ӘЧ финалына шықты

Еске сала кетейік, Аргентина құрамасы жартылай финалдық матчтің 55-ші минутынан 85-ші минутында дейін ағылшындардан жеңіліп жатқан болатын, бірақ ойын ағымын өз пайдасына шеше білді.

Кездесу тағдырын Лионель Мессидің екі нәтижелі пасы шешті, ол үшін бұл финал қатарынан екінші, ал мансабындағы үшіншісі болмақ.