“Бәріне лайықсың“: ӘЧ-2026 финалындағы жалғыз голдың авторы бала кездегі арманын айтты

Торрес овертаймның 106-минутында Нико Уильямстың пасынан кейін гол соқты. Бұл финалдағы жалғыз гол болып, испандықтарды екі дүркін әлем чемпионы атандырды.

"Әлемдегі кез келген баланың арманы! Дәл қазір мен әлемдегі ең бақытты адаммын", - деп жазды Торрес Instagram-да балалық шағындағы суретінің астына.

Айта кетейік, 2026 жылғы Әлем чемпионаты финалындағы бұл гол Торрес үшін бұл мундиальдағы алғашқы доп болды.

"Барселона" шабуылшысы топтық кезеңнің бірінші турында Кабо-Вердеге қарсы ойынның басым бөлігін алаңда өткізгенімен, ӘЧ-2026-ның кейінгі матчтерінде тек қосалқы құрамнан қосылып жүрді.

Бұл финалда да солай болды – Торрес 62-минутта Оярсабальдің орнына алаңға шықты.

Ферранның кубокпен түскен бала кездегі суреті әлеуметтік желі қолданушыларын тәнті етті. Көпшілік Торресті финалдағы жеңіс голын соғуға әбден лайықты деп санайды.

"Сен супержұлдызсың";

"Сен бәріне лайықсың, Ферри";

"Басқаша болуы мүмкін емес еді!";

"Мен саған әрдайым сендім, Ферран! Бір күні Испаниямен бірге тарих жасайтыныңды білгенмін. Саған қанша сын айтылса да, мен саған әрқашан сенемін! Менің қаһарманым, Испания құрамасындағы сүйікті ойыншым. Саған мың алғыс", - деп жазды желідегі пікір қалдырушылар.

Еске сала кетейік, Ферран Испания құрамасы сапында 2020 жылдың қыркүйегінде дебют жасаған болатын. Ол Испаниямен бірге Еуропа чемпионы атанып, енді оған әлемдік деңгейдегі жеңісті қосты.

Тарихта алғаш рет: испаниялықтар Әлем чемпионатындағы жеңісі үшін жаңа сыйлық алды

Үш жасар бала Әлем чемпионатында желі жұлдызына айналды: Ямальдың інісі туралы не белгілі?

Сыра және би: Испания құрамасы Әлем чемпионатындағы жеңісін қалай атап өтті?

Испания Аргентинадан жеңісті жұлып алып, Әлем чемпионы атанды