“Барселона” ойыншысы “Алтын доптың” жаңа фавориті атанды

Фото: natursports/depositphotos.com

Беделді Vanguard басылымы "Алтын доп" сыйлығының жаңа фавориті ретінде каталониялық "Барселонаның" жартылай қорғаушысы Родриді атады. Сонымен қатар спорттық медиа ресурстардың басым бөлігі марапатты басқа футболшы иеленетініне сенімді, деп хабарлайды Tengri Sport.

10 қыркүйекте France Football басылымы заманауи футболдағы басты жеке марапатқа үміткерлердің кеңейтілген тізімін (лонг-лист) жариялайды. Табыстау рәсімі жақындаған сайын болжамдар да сан алуан бола түсті.

Родри қалай фаворитке айналды?

Vanguard өз топ-5 тізімін жасап қана қоймай, әр футболшының неліктен белгілі бір орында тұрғанын түсіндіріп берді.

Фавориттер қатарына Родриден бөлек Месси, Мбаппе, Ямаль және Кейн де енді, бірақ испандық ойыншының әлем чемпионатындағы тамаша өнері оның басты артықшылығы болып отыр.

"Тарихи тұрғыда "Алтын доп" қазылар алқасы ең беделді спорт ареналарында үстемдік құрған ойыншыларды марапаттайды, Родри дәл солай істеді. Испания құрамасының жартылай қорғау орталығында ойнай отырып, ол қорғаныстың тірегі және әлем чемпиондарының басты "метрономы" болды. Оның тактикалық ықпалы мен тұрақтылығы Мбаппе мен Месси сияқты үздік сұрмергендерді басып озып, оған әлем чемпионатының "Алтын добын" алып берді", - деп басылым.

Айта кетейік, Родри Испания құрамасы сапында турнир жеңімпазы атанып, әлем чемпионатының үздік ойыншысы болды. Дегенмен, клубтық деңгейде ол жарақатына байланысты маусымның жартысын өткізіп алды, ал "Манчестер Сити" АПЛ алтынынан айырылып, Чемпиондар лигасының шешуші кезеңдеріне өте алмады.

Жаңа маусым басталар алдында жартылай қорғаушы каталониялық "Барселонаға" ауысты.

"Алтын допқа" тағы кімдер үміткер?

Испаниялық Родри тағы бір басылым - британиялық The Independent болжамы бойынша да басты фаворит ретінде қарастырылған. Алайда басқа басылымдардың басым көпшілігі марапатты "Бавария" мен Англия құрамасының форварды Харри Кейн алады деп есептейді.

Дәл осы ойыншыны Polymarket пен Goal фаворит деп атайды. Сонымен қатар егер біріншісінің тізімінде Родри үздік үштікке енсе, Goal нұсқасы бойынша ол тіпті үздік бестікке де кірмей қалған.

Instagram-дағы бұл жарияланымды көру

Harry Kane (@harrykane) жарияланымы

Жеке статистикасы бойынша таңғажайып маусым өткізгенімен, Әлем чемпионаты мен Чемпиондар лигасында жеңіске жете алмаған Кейннің қасына сарапшылар үнемі Ламин Ямальды қояды.

19 жастағы вингер Испания чемпионаты мен әлем чемпионатында жеңіске жетті, бірақ соғылған голдар мен нәтижелі пастар саны бойынша Кейн немесе Мбаппеден асып түсе алмады.