“Барымызды салдық“: Месси финалдағы драмадан кейін әлем чемпионатын қорытындылады

Аргентина құрамасы ӘЧ-2026-ның тартысты финалында Испанияға 0:1 есебімен жол берді, бұл ретте қарсылас команда өз қақпасына бірде-бір соққы бағыттауға мүмкіндік бермеді.

Матчтен кейін Месси журналистермен ой бөлісіп, команданың басын тік ұстап кететінін айтты.

"Финалда олай жеңілу өте ауыр, әсіресе команданың осы сәтке жету және чемпиондық атақты қорғау үшін қаншалықты орасан зор күш жұмсағанын түсінгенде тіпті қиын. Испанияны құттықтаймыз, өйткені олар тамаша ойын өткізіп, мықты қарсылас екенін көрсетті. Дегенмен, мен соңғы секундқа дейін осы жейде үшін жан аямай шайқасқан командаластарым үшін мақтаныш сезімімен кетемін", - деді Месси.

Сондай-ақ капитан жанкүйерлер мен командаға қолдау көрсеткен барша аргентиналықтарға алғыс айтып, осынау қиын сәтте бір-біріне демеу болуға шақырды.

"Тіпті жеңілістің өзі - әсіресе финалдағы жеңіліс - жанымызға қатты батады, бірақ ол бізге өткен жолымызды бағалауды және әлемдік ең жоғары деңгейде бақ сынау мүмкіндігінің маңызын үйретеді.

Жігіттердің алаңдағы жанкештілігін және жаттықтырушылар штабының тынымсыз жұмысын көру маған аргентиналық футболдың бір матчтің нәтижесіне қарамастан, әлемдегі үздіктердің қатарында қала беретініне сенім ұялатады.

Қазір осы соққыны бірге еңсеріп, нағыз отбасы секілді бір-бірімізге тіреу болып, жақындарымызды - қуанышта да, қиындықта да қасымыздан табылатын жандарды құшақтайтын уақыт келді. Бұл біз армандаған финал емес еді, бірақ біз еліміздің абыройы мен мақтанышы үшін бәрін бергенімізге нық сеніммен, басымызды тік ұстап кетеміз" - деп түйіндеді аргентиналық футболшы БАҚ алдындағы сөзін.

Месси әлем чемпионатының екінші финалында жеңілді

Еске сала кетейік, Аргентина құрамасы XXI ғасырда үшінші рет футболдан әлем чемпионатының финалына шықты. 2014 жылы олар финалда немістерге жол берсе, 2022 жылы Францияны жеңіп, енді испаниялықтардан ұтылды.

Осы үш финалдың бәрінде де команда көшбасшысы Лионель Месси болды. Бірақ испандықтармен өткен матчте "Алтын доптың" сегіз дүркін иегері қарсылас қақпасына бірде-бір соққы бағыттай алмады.

Аргентина матчтің көп бөлігінде қорғаныста ойнады, бірақ 93-минутта Энцо Фернандес алаңнан қуылғаннан кейін кездесудің сипаты бір жақты арнаға түсті.

Ойын қосымша уақытқа ұласып, испаниялықтар кездесудің 106-минутында жеңіс голын соқты.

Испания - Аргентина: матчқа шолу

Испания Аргентинадан жеңісті жұлып алып, әлем чемпионы атанды

Аргентина құрамасының жаттықтырушысы Лионель Скалони әлем чемпионатының финалынан кейінгі баспасөз мәслихатында Мессиді алаңға шыққан ең үздік ойыншы деп атады.

Сондай-ақ Мессидің өзі жеңіліспен аяқталған финалдан кейін бірден көз жасына ерік берді.

Испания құрамасының көшбасшысы, 19 жастағы вингер Ламин Ямаль финалдық ысқырықтан кейін Лионель Мессиге қолдау көрсетті.

Ал Ямаль мен Мессидің командаластары алаңда төбелес шығарды.

Месси тек финалда ұтылған жоқ: ӘЧ-2026-ның үздік сұрмергені кім атанды?