“Бүгін-ақ кете аламын“: Роналду Португалия құрамасындағы мансабы туралы пікір білдірді

Фото: mrogowski_photography/depositphotos.com

Португалия құрамасы мен Сауд Арабиясындағы "Әл-Наср" клубының жұлдызды шабуылшысы Криштиану Роналду ұлттық командадағы мансабы туралы пікір білдірді, деп хабарлайды Tengri Sport.

Португалия құрамасының жұлдызы егер ұлттық команда оның көмегіне мұқтаж болмаса, саптан бүгін-ақ кетуге дайын екенін мәлімдеді.

Дегенмен, ол команда өзіне мұқтаж болған жағдайда өнер көрсетуін жалғастыра беретінін де атап өтті.

"Егер Португалия маған сенім артуды тоқтатса, мен бүгін-ақ кете аламын. Бұдан ешқандай мәселе көрмеймін. Президентке де қатысты солай. Ұлттық құрамада олар маған сенуді қойған сәтте, бұл туралы бірінші болып өзім айтамын. Егер олар маған сенсе, мен де оларға сенемін. Португалия халқы да маған сенеді. Сондықтан да ұлттық құрамада ойнауды жалғастырып жүрмін", - деп келтіреді Роналдудың сөзін инсайдер Фабрицио Романо.

🚨🇵🇹 Криштиану Роналду: "Егер Португалия маған арқа сүйеуді қаламаса, мен бүгіннен бастап кете аламын. Бұған қатысты ешқандай мәселе жоқ".

"Тіпті президент те. Ұлттық құрамада олар маған сенім артуды қойғанда, бұл туралы олармен бірінші болып өзім сөйлесемін"».

"Егер олар маған сенсе, мен... pic.twitter.com/oGbyKBSWvk
— Fabrizio Romano (@FabrizioRomano) 23 қыркүйек, 2026 жыл

Еске сала кетейік, Португалия құрамасы УЕФА Ұлттар лигасының матчтеріне қатысатын ойыншылар тізімін жариялаған болатын. Ұлттық команданың кеңейтілген құрамына Сауд Арабиясының "Әл-Наср" клубының жұлдызды шабуылшысы әрі Португалия тарихындағы үздік сұрмерген Криштиану Роналду енді.

Instagram-дағы бұл жарияланымды көру

Portugal (@portugal) жариялаған жазба

Айта кетейік, Португалия 2026/27 жылғы Ұлттар лигасындағы жолын 24 қыркүйекте Лиссабонда (Португалия) Уэльске қарсы матчпен бастайды.

Содан кейін 27 қыркүйекте Ослода (Норвегия) Норвегиямен, 1 қазанда Копенгагенде (Дания) Даниямен және 4 қазанда өз алаңында қайтадан Норвегиямен ойнайды.

Instagram-дағы бұл жарияланымды көру

Portugal (@portugal) жариялаған жазба

Роналду мансабын аяқтау туралы айтқанымен, құрамада қалды

Еске сала кетейік, Криштиану Роналду 2026 жылғы әлем чемпионатынан кейін бұл турнир оның әлемдік деңгейдегі соңғы жарысы болғанын мәлімдеген еді, сондықтан көпшілік оны ұлттық құрамадағы мансабын аяқтайды деп күткен болатын.

Дегенмен, ол халықаралық футболдан біржола кеткен жоқ, спорттан кету мерзімі туралы мәселені ашық қалдырды.

🚨🇵🇹 Криштиану Роналду: "Бұл шынымен де менің футболдағы СОҢҒЫ ЖЫЛЫМ болуы мүмкін". "Мен керемет мұра қалдырғым келеді", - деді ол Vogue басылымына. https://t.co/Rt7SkNrzGU
— Fabrizio Romano (@FabrizioRomano) August 16, 2026

Криштиану Роналду соққан голдар саны (146) мен өткізген матчтер саны (233) бойынша құрама рекордын сақтап тұр. Бұдан бөлек, ол Португалия құрамасы сапында Ұлттар лигасының екі дүркін чемпионы атанған - команда бұл турнирде 2019 және 2025 жылдары жеңіске жетті.

Жасына және мансабын жақын арада аяқтауы мүмкін деген әңгімелерге қарамастан, ол тағы да ұлттық құраманың басты назарында болды.