+7 (777) 001 44
99
Аргентина құрамасы ағылшындарға қарсы финал жолдамасы сарапқа салынған матчтің 85-минутынан кейін керемет камбэк жасады. Аргентиналықтардың капитаны жартылай финалда екі нәтижелі пас беріп, қатарынан екінші рет әлем чемпионы атағы үшін бақ сынайды.
"Біздің қол жеткізген жетістігіміз таңғаларлық, бірақ бұл біреулерді ренжітуі де мүмкін. Біздің командаға ешкім ештеңені жайдан-жай бере салмайды. Не десе де өздері білсін", - деп келтірді Фабрицио Романо Мессидің ойыннан кейінгі сөзін.
Сонымен қатар шабуылшы турнирге дайындық барысы туралы айтып берді.
"Мен бұл әлем чемпионатына бір жылға жуық дайындалдым. Желтоқсан айын Аргентинада өткізіп, таңертең және күндіз жаттығу жасадым, өйткені турнирге барынша бабымда келу үшін бар күшімді салуым керек екенін білдім", - деді Месси.
🚨🥊 Лео Месси: "Қол жеткізген жетістігіміз ақылға сыймайды... бұл біреудің көңіліне тиюі мүмкін, олар не айтса да өз еркі".
— Fabrizio Romano (@FabrizioRomano) July 15, 2026
"Бұл ұжым бізге ешкім ештеңені ТЕГІН БЕРІП ЖАТПАҒАНЫН көрсетіп отыр". 🔇 pic.twitter.com/KvR8H2UlRo
Еске сала кетейік, матч 2:1 есебімен аргентиналықтардың пайдасына аяқталды. Осыдан төрт жыл бұрын Катарда өткен турнирде де команда финалға дейін жетіп, шешуші ойында Франция құрамасынан басым түскен болатын.
Англия - Аргентина: матчқа шолу
Әлем чемпионатының финалы: Месси Ямальға қарсы
Әлем чемпионатының финалында Аргентина құрамасы Испания командасымен кездеседі. Матч Қазақстан уақыты бойынша 19-нан 20 шілдеге қараған түні өтеді.
Бұл "Барселонаның" жас жұлдызы Ламин Ямальдың ресми матчте клуб аңызы Лионель Мессимен алғаш рет кездесетін ойыны болмақ.
Мессимен түскен суретті алғаш көргенде қандай сезімде болдыңыз?
— Barça Universal (@BarcaUniversal) 16 шілде, 2025 жыл
Ламин Ямаль: "Мессидің мені қолына ұстап тұрғанына таңғалдым... Ол кезде не істеп жүргенімді білмеймін, бірақ қазір тарихтағы ең үздік ойыншымен осындай суретім барына өте қуаныштымын".pic.twitter.com/5bmr1C9czA
