+7 (777) 001 44
99
Матч Лиондағы (Франция) "Групама" стадионында өтіп, 1:2 (жалпы есеп – 2:3) есебімен қонақтардың жеңісімен аяқталды. Финалдық ысқырықтан кейін алаңда жаппай жанжал басталды.
Қақтығыстың туындауына түрік клубының жартылай қорғаушысы Маттео Гендузи себеп болды. "Марсельдің" бұрынғы ойыншысы "Лион" жанкүйерлерін арандатып, трибуналарға қарата түрлі ишаралар көрсетіп, жеңісті әсіре тойлай бастаған.
🚨😳 ЛИОН МЕН ФЕНЕРБАХЧЕ ТЕКЕТІРЕСІНЕН КЕЙІНГІ СҰМДЫҚ КӨРІНІСТЕР!
— TakaFC (@Abdulhak114) 27 тамыз, 2026
Жаңа кадрлардан матчтан кейінгі шиеленісті жағдайды көруге болады: жағдай ушығып жатқанда "Фенербахче" ойыншылары Маттео Гендузиді қоршап алған. 😬
Мәліметтерге қарағанда, Гендузи кетіп бара жатқанда біреу оны секіріп тебуге тырысқан...
"Лион" ойыншылары бұл әрекетке шамданып, Гендузиге қарай ұмтылады. Алаңда жаппай төбелес басталды. Бір сәтте "Лионның" қақпашылар бапкері Антонио Феррейра жартылай қорғаушыға тап беріп, оны аяқпен тебуге әрекеттенді.
Күзетшілер мен "Фенербахче" футболшылары дереу араша түсті. Осыдан кейін төбелес үлкен қақтығысқа ұласып, киім ауыстыратын бөлмеге апаратын дәлізде жалғасты. Жанжалға ондаған адам – екі команданың ойыншылары мен жаттықтырушылар штабының мүшелері араласты. Төбелесті тек қауіпсіздік қызметкерлерінің көмегімен ғана тоқтату мүмкін болды.
🚨😭 ГЕНДУЗИ 🇫🇷 МҮЛДЕМ ЕСТЕН ТАНДЫ !
— MATHIS FOOTBALL (@mathis_football) 26 тамыз, 2026 жыл
ОЛ ТУННЕЛЬГЕ КІРЕРДЕ ЛИОН ШТАБЫНЫҢ МҮШЕСІМЕН ЖҰДЫРЫҚТАСЫП ҚАЛДЫ! 😭💀
ЖАҒДАЙ ШЫНЫМЕН УШЫҒЫП КЕТТІ! 🤯
🎥 @edin9makina #TeamOM #ExOM pic.twitter.com/7K58LN24LD
Матчтен кейін Гендузи өз әрекеттері мен арандатушылығының себебін түсіндірді. Футболшының айтуынша, ойын бойы қарсыластары оның өзін және отбасын балағаттаған, мұны ол құрметсіздік әрі жол беруге болмайтын іс деп санаған.
"Олар 90 минуттан аса уақыт бойы анамды және отбасымды балағаттады, бұл мен үшін құрметсіздік болды. Егер біз жеңісті өзіміз қалағандай тойлай алмасақ, бұл өте өкінішті жағдай", - деді Маттео Гендузи матчтен соң.
Маттео Гендузи:
— Fener (@Fener) 27 тамыз, 2026
"Олар 90 минут бойы менің анам мен отбасыма тіл тигізді, бұл мен үшін құрметсіздік болды, егер соңында қалағанымызша қуана алмасақ, мұны өкінішті деп санаймын." pic.twitter.com/I5jiPZz3nk
"Фенербахче" 18 жылдан кейін Чемпиондар лигасына оралды
Бірінші таймда қонақтар екі жылдам гол соқты. 24-ші минутта косоволық шабуылшы Ведат Мурики көзге түссе, 28-ші минутта ағылшын қорғаушысы Арчи Браун бұрыштамадан асырылған допты басымен қақпаға бағыттады.
Instagram-дағы бұл жарияланымды көру
"Лион" тек ойынның бір сағаты өткенде ғана жауап қайтара алды. 61-ші минутта бельгиялық шабуылшы Малик Фофана әдемі соққымен есеп айырмасын қысқартты. Алаң иелері қарсылас қақпасына тағы екі рет доп енгізгенімен, екі гол да есепке алынбады.
Instagram-дағы бұл жарияланымды көру
Қорытынды есеп – 1:2, "Фенербахче" пайдасына. Екі матчтің нәтижесі бойынша түрік клубы 3:2 есебімен жеңіске жетіп, Чемпиондар лигасының ортақ кезеңіне жолдама алды.
Instagram-дағы бұл жарияланымды көру
"Фенербахче" үшін бұл жеңіс тарихи мәнге ие. Стамбул клубы 2008/09 маусымынан бері алғаш рет, яғни тура 18 жылдан кейін Чемпиондар лигасының негізгі кезеңіне қайта оралды. Осы жылдар ішінде команда әлемнің басты клубтық турниріне шығуға бірнеше рет талпынғанымен, әр кез іріктеу кезеңінде тоқтап қалып жүрді.
Instagram-дағы бұл жарияланымды көру
“Реал“ бізге келмейді: Чемпиондар лигасының барлық қатысушысы анықталды
