“Реал“ бізге келмейді: Чемпиондар лигасының барлық қатысушысы анықталды

Фото © Tengrinews.kz / Болат Айтмолда

26-нан 27-тамызға қараған түні Чемпиондар лигасының 2026/2027 маусымындағы іріктеу кезеңінің плей-офф ойындары аяқталды. Жалпы кезеңде Қазақстанның жалғыз өкілі өнер көрсетеді - бұл команда емес, ұлттық құраманың қақпашысы Стас Покатилов, деп хабарлайды Tengri Sport.

Іріктеудің соңғы күні турнирдің соңғы төрт қатысушысы белгілі болды. Түркиялық "Фенербахче" "Лионды" жеңіп, араға 17 жыл салып турнирге оралды, ал словакиялық "Слован" мен норвегиялық "Викинг" "Целе" мен "Динамо Загребтен" басым түсті.

Сондай-ақ Чемпиондар лигасынан Қазақстанның жалғыз өкілі - алматылық "Қайратты" жарыс жолынан шығарған болгариялық "Левски" де тыс қалды. Олар грекиялық АЭК-ке жол берді.

Чемпиондар лигасы 2026/2027 маусымының барлық қатысушылары:

"Арсенал";
"Манчестер Сити";
"Манчестер Юнайтед";
"Астон Вилла";
"Ливерпуль" (барлығы – Англия);
"Барселона";
"Реал Мадрид";
"Вильярреал";
"Атлетико", Мадрид;
"Бетис" (барлығы – Испания);
"Интер";
"Наполи";
"Рома";
"Комо" (барлығы – Италия);
"Бавария";
"Боруссия" Дортмунд;
"РБ Лейпциг";
"Штутгарт" (барлығы – Германия);
ПСЖ;
"Ланс";
"Лилль" (барлығы – Франция);
ПСВ;
"Фейеноорд" (екеуі де – Нидерланды);
"Порту";
"Спортинг" (екеуі де - Португалия);
"Галатасарай";
"Фенербахче" (екеуі де - Түркия);
"Будё-Глимт";
"Викинг" (Норвегия);
"Брюгге" (Бельгия);
"Славия" (Чехия);
"Шахтёр" (Украина);
"Сабах" (Әзербайжан);
ЛАСК (Австрия);
АЕК (Грекия);
"Слован" (Словакия).

Чемпиондар лигасында Қазақстан намысын кім қорғайды?

Еске сала кетейік, клуб тарихында тұңғыш рет Әзербайжанның "Сабах" клубы Чемпиондар лигасының жалпы кезеңінде ойнайды. Команда капитаны - қазақстандық қақпашы Стас Покатилов.

Оның командасы Израильдің "Хапоэліне" қарсы ойында ерледі және іріктеу кезеңі арқылы турнирдің негізгі сатысына жолдама алды.

Бұдан бөлек, Покатилов үш түрлі командамен еурокубоктардың үш түрлі негізгі кезеңіне шыққан алғашқы қазақстандық футболшы атанды. 2013 жылы ол қарағандылық "Шахтёрмен" Еуропа лигасына дейін жетті, 2021 жылы "Қайрат" сапында Конференция лигасында ойнады, ал енді Чемпиондар лигасында өнер көрсетуге мүмкіндік алды.

Instagram-дағы бұл жарияланымды көру

Қазақстан ұлттық футбол құрамасының жарияланымы (@kff_team)

"Реал" бізге келмейді: Чемпиондар лигасы жеребесінің ерекшеліктері

Чемпиондар лигасы жалпы кезеңінің жеребесі бүгін, 27 тамызда өтеді және Астана уақытымен 21:00-де басталады.

Айта кетейік, жеребе қорытындысы бойынша қатысушы 36 команданың барлығының күнтізбесі анықталады: олар төрт ойынды үйде, төртеуін сыртта өткізеді. Бұл ретте олар топтарға бөлінбейді, ал плей-офф қатысушылары ортақ кесте арқылы анықталады.

Биылғы жеребенің бір ерекшелігі УЕФА-ның жаңа ережесі болды. Жаңа ереже бойынша, бір матч Чемпиондар лигасының жалпы кезеңінде қатарынан үш рет өте алмайды, сондықтан "Ливерпуль" биылғы маусымда өз алаңында мадридтік "Реалмен" кездесе алмайды.

2024 және 2025 жылдары ағылшындық команда Чемпиондар лигасының жалпы кезеңі аясында "Энфилдте" мадридтіктерді жеңген болатын.

Instagram-дағы бұл жарияланымды көру

UEFA Champions League (@championsleague) жарияланымы

"Қайрат" Чемпиондар лигасынан қалай шығып қалды?

Өткен жылы алғаш рет Чемпиондар лигасының жалпы кезеңіне шығып, Алматыға мадридтік "Реалды" әкелген алматылық "Қайрат" бұл жолы іріктеудің үшінші кезеңінде жарыстан шығып қалды.

Қазақстандық команданың Чемпиондар лигасындағы соңғы қарсыласы болгариялық "Левски" болды, олар екі рет 1:0 есебімен жеңіске жетті. Айта кетейік, "Қайрат" өз алаңындағы матчін Алматыда емес, Түркістанда өткізді, өйткені "Орталық" стадионда Канье Уэстің концерті жоспарланған болатын.

Чемпиондар лигасында жеңілгеннен кейін "Қайрат" Еуропа лигасына ауысып, бельгиялық "Андерлехтке" қарсылас атанды. Бүгін команда өз алаңында 0:3 есебімен ұтылғаннан кейін, турнирдің жалпы кезеңіне жолдама алу үшін қарымта кездесу өткізеді.