Қазақша
Русский
Халықаралық футбол федерациясы (ФИФА) Ұлттар лигасы матчтерінен кейін ұлттық құрамалардың рейтингін жаңартты. Португалия құрамасы басты жұлдызы Криштиану Роналду дау-дамаймен кеткеннен кейін әлемдегі бесінші команда болды, деп хабарлайды Tengri Sport ФИФА-ның баспасөз қызметіне сілтеме жасап.
Әлемдік рейтингтің жаңа нұсқасында Португалия құрамасы екі сатыға көтерілді. Португалдардан жоғары кейінгі әлем чемпионатының жартылай финалында ойнаған төрт команда ғана тұр: Испания, Аргентина, Франция және Англия.
Айта кетейік, Қазақстан құрамасы Ұлттар лигасының кейінгі матчтерінің қорытындысы бойынша 117-орынға төмендеді.
8 қазан бойынша ФИФА рейтингіндегі Топ-10
- Испания;
- Аргентина;
- Франция;
- Англия;
- Португалия;
- Бразилия;
- Марокко;
- Бельгия;
- Нидерланд;
- Мексика.
Португалия құрамасы Криштиану Роналдусыз барлық матчте жеңіске жетті
1 қазанда Ұлттар лигасындағы Данияға қарсы матч қарсаңында Криштиану Роналду ұлттық құрама лагерінен кетіп қалды. Бұл бапкер Жорже Жезуш баспасөз мәслихатында футболшы ойынның бастапқы құрамына кірмегенін жариялағаннан кейін болды.
Ұлттар лигасының биылғы маусымында 41 жастағы футбол жұлдызы тек бір матчте – Уэльске қарсы (1:0) 67 минут ойнап, нәтижелі іс-қимылдарымен көзге түсе алмады. Норвегияға қарсы келесі матчте Роналду қосалқы құрамда қалды, ал команда 1:2 есебімен жеңіске жетті.
Роналду құрамадан кеткеннен кейін португалдар тағы екі кездесу өткізді: қонақта даттарды 4:2 есебімен жеңіп, кейін өз алаңында Норвегияны 2:1 есебімен тізе бүктірді.
Осы уақытта Роналду мен Жезуш арасындағы сырттай пікірталас жалғасып жатыр. Бапкер Криштиануға құрама есігі әрдайым ашық екенін айтады, бірақ кешірім сұрайтындай ештеңе істемедім деп есептейді. Ал Роналду оқиғаның өз нұсқасын айтып берді, оның сөзінше, бапкер бірнеше уәдесін орындамаған, соның ішінде баспасөз мәслихатында оны Пеле мен Марадона деңгейіндегі ойыншы деп атау туралы уәдесі де бар.
Криштиану Роналду Португалия құрамасындағы жанжалдан кейін кешірім сұрады
+7 (777) 001 44 99
