Футболдан Әлем чемпионаты: Аргентина Лионель Мессиге қатысты шешім қабылдады

Аргентина футбол құрамасы АҚШ, Канада және Мексикада өтетін 2026 жылғы әлем чемпионатында бақ сынайтын құрамын атады, деп хабарлайды Tengri Sport.

Аргентина футбол құрамасының баспасөз қызметі ұлттық команданың 2026 жылғы футболдан Әлем чемпионатына қатысатын нақты құрамын жариялады.

Бас бапкер Лионель Скалони басты халықаралық футбол додасында Аргентина намысын қорғайтын 26 ойыншының есімін таныстырды.

Аргентина құрамасының ӘЧ-2026 турниріне қатысатын құрамы

• Қақпашылар: Хуан Муссо ("Атлетико", Испания), Херонимо Рульи ("Марсель", Франция), Эмилиано Мартинес ("Астон Вилла", Англия);
• Қорғаушылар: Леонардо Балерди ("Марсель", Франция), Николас Тальяфико ("Лион", Франция), Гонсало Монтиель ("Ривер Плейт", Аргентина), Лисандро Мартинес ("Манчестер Юнайтед", Англия), Кристиан Ромеро ("Тоттенхэм", Англия), Николас Отаменди ("Бенфика", Португалия), Факундо Медина ("Марсель", Франция), Науэль Молина ("Атлетико", Испания);
• Жартылай қорғаушылар: Леандро Паредес ("Бока Хуниорс", Аргентина), Родриго Де Пауль ("Интер Майами", АҚШ), Валентин Барко ("Страсбур", Франция), Джовани Ло Чельсо ("Бетис", Испания), Эсекиэль Паласиос ("Байер", Германия), Алексис Макаллистер ("Ливерпуль", Англия), Энцо Фернандес ("Челси", Англия);
• Шабуылшылар: Хулиан Альварес ("Атлетико", Испания), Лионель Месси ("Интер Майми", АҚШ), Николас Гонсалес ("Атлетико", Испания), Тьяго Альмада ("Атлетико", Испания), Джулиано Симеоне ("Атлетико", Испания), Нико Пас ("Комо", Италия), Хосе Мануэль Лопес ("Палмейрас", Бразилия), Лаутаро Мартинес ("Интер", Италия).

Аргентинаның ӘЧ алғашқы кездесуі қай құрамаға қарсы өтеді?

Аңызға айналған шабуылшы Лионель Месси бастаған қазіргі әлем чемпиондары турнирді Алжирге қарсы матчпен бастап, кейін Австриямен кездеседі және топтық кезеңді Иорданиямен ойынмен аяқтайды.