Футболдан әлем чемпионатының 1/4 финалындағы төрт жұптың үшеуі белгілі болды

Шілденің 6-сынан 7-сіне қараған түні 1/8 финал аясында Португалия мен Испания, сондай-ақ Бельгия мен АҚШ құрамалары кездесті. Турнир қожайындары мен Криштиану Роналду бастаған команда чемпионатпен қоштасты.

2026 жылғы Әлем чемпионатының 1/4 финалы: кесте

• 10.07 01:00 Франция - Марокко
• 11.07 00:00 Испания - Бельгия
• 12.07 02:00 Норвегия - Англия

Футболдан әлем чемпионатының ширек финалындағы соңғы жұп бүгін анықталады. 1/8 финалда Аргентина құрамасы Мысырмен, ал Колумбия командасы швейцариялықтармен ойнайды.

Еске сала кетейік, 2026 жылғы Әлем чемпионаты 11 маусымнан бастап АҚШ, Мексика және Канада елдерінде өтіп жатыр. Турнирдің финалы 19-ынан 20-сына қараған түні Нью-Йоркте өтеді.

АҚШ құрамасы жанжалдан кейін өз үйіндегі әлем чемпионатынан шығып қалды

Бұған дейін Португалия құрамасының бас жаттықтырушысы Роберто Мартинес команда 1/8 финалдан шығып қалған соң өз қызметінен кететінін мәлімдеген болатын.

Ал португалиялық жұлдызды футболшы Криштиану Роналду өз командасы турнирден шығып қалғаннан кейін эмоциясын тия алмады.

Испания құрамасы Португалияны жеңіп, Әлем чемпионатының 1/4 финалына шықты