Германия құрамасы ӘЧ-2026 қарсаңында аты аңызға айналған қақпашыға қатысты шешім қабылдады

Юлиан Нагельсманн бастаған Германия құрамасының жаттықтырушылар штабы 2026 жылғы Әлем чемпионатына қатысатын команда құрамын жариялады. "Баварияның" аты аңызға айналған қақпашысы Мануэль Нойер өзінің бесінші әлем біріншілігіне барады, деп хабарлайды Tengri Sport.

40 жастағы қақпашы команда ширек финалда ұтылып қалған Еуропа чемпионатынан кейін ұлттық құрамадағы мансабын аяқтайтынын мәлімдегеніне қарамастан, өтінімге енді.

Содан бері қақпашы құрама сапында бірде-бір ойын өткізбесе де, Әлем чемпионатына шақырту алды.

Германия құрамасының ӘЧ-2026-ға арналған құрамы

• Қақпашылар: Оливер Бауманн ("Хоффенхайм"), Мануэль Нойер ("Бавария"), Александр Нюбель ("Бавария").
• Қорғаушылар: Вальдемар Антон ("Боруссия" Дортмунд), Натаниэль Браун ("Айнтрахт"), Йозуа Киммих ("Бавария"), Давид Раум ("РБ Лейпциг"), Антонио Рюдигер ("Реал" Мадрид), Нико Шлоттербек ("Боруссия" Дортмунд), Жонатан Та ("Бавария"), Малик Тшау ("Ньюкасл Юнайтед").
• Жартылай қорғаушылар: Паскаль Грос ("Брайтон"), Феликс Нмеча ("Боруссия" Дортмунд), Александар Павлович ("Бавария"), Ангело Штиллер ("Штутгарт"), Надим Амири ("Майнц"), Максимилиан Байер ("Боруссия" Дортмунд), Леон Горецка ("Бавария"), Ленарт Карл ("Бавария"), Джамал Мусиала ("Бавария"), Флориан Вирц ("Ливерпуль").
• Шабуылшылар: Кай Хаверц ("Арсенал"), Джейми Левелинг ("Штутгарт"), Лерой Зане ("Галатасарай"), Дениз Ундав ("Штутгарт"), Ник Вольтемаде ("Ньюкасл Юнайтед").

Айта кетейік, "Бавария" қақпашысы Мануэль Нойер 2014 жылы немістермен бірге әлем чемпионы атанған болатын.

Нойердің еншісінде Германия чемпионатының 13 жеңісі мен Чемпиондар лигасының екі кубогі бар.

Нойер Германия құрамасының Қазақстанға қарсы өткізген барлық төрт ойынына қатысып, тек бір ғана гол өткізді - ӘЧ-2014 іріктеу кезеңінде немістердің өз алаңында өткен матчта Генрих Шмидтгаль мергендік танытқан еді. Бұл гол Нойердің қақпадан шығу кезінде жіберген қателігінен кейін соғылған болатын.

Еске сала кетейік, әлем чемпионаты 11 маусым мен 19 шілде аралығында АҚШ, Канада және Мексикада өтеді.

Бұған дейін әйгілі португалдық Криштиану Роналду 2026 жылғы Әлем чемпионатына қатысатын ұлттық құрама тізіміне енгені белгілі болған еді.