+7 (777) 001 44
99
Футболдан Германия құрамасының бас бапкері Юлиан Нагельсманн плей-офф кезеңінің алғашқы айналымындағы күтпеген жеңіліске қарамастан, қызметінен кетпейтінін мәлімдеді. БАҚ мәліметінше, ол турнирдегі ең жоғары жалақы алатын мамандардың бірі, - деп хабарлайды Tengri Sport.
Германия құрамасы 1/16 финалда Парагвай командасына пенальти сериясында жол беріп, фавориттердің бірі бола тұра әлем чемпионатын ерте аяқтады. Осындай ірі сәтсіздікке қарамастан, Нагельсманн командадан кетудің қажеті жоқ деп есептейді.
"Мен жұмысты жалғастыруға дайынмын. Егер Германия футбол одағы (DFB) қаласа, мен команданы 2028 жылға дейінгі цикл бойынша бастап барамын. Ал қаламаса - маған бұл туралы өздері айтуы тиіс", - деді бапкер.
- Бұл туралы қашан ойлануды жоспарлап отырсыз?
"Мен бе? Мен дайынмын. Егер DFB мұны қаламаса, олар маған хабарлауы керек. Маған бұл туралы ұзақ толғанудың қажеті жоқ - мен бәрін ойлап қойғанмын", - деді маман.
- Түсінікті, бірақ өзіңіз бірінші болып...
"Мен қашатын адамдардың қатарынан емеспін. Ондай ойым да жоқ", - деп қадап айтты бапкер.
Айта кетейік, France Football мәліметінше, Нагельсманнның ұлттық құрамадағы жалақысы жылына 7 миллион еуроны құрайды.
Әлем чемпионатына қатысушы командалардың бапкерлері арасында бұдан тек Бразилия құрамасының бапкері Карло Анчелотти (10 миллион еуро) ғана көп алады.
Тәкаппар әрі сүйкімсіз Нагельсманнның өз еркімен кетпеуі заңды. Бұл сәтсіз бапкерге жер бетінде DFB-ден басқа ешкім жылына 7 миллион төлемейді.
- Oliver Sept (@sept_oliver) June 30, 2026
Сондықтан да ол камера алдында осыншалықты ерсі жымиып, 14 миллион үшін ештеңе болмағандай жайбарақат отыра береді..! pic.twitter.com/kJN4ojFJlF
Нагельсманнан бөлек, ӘЧ-2026-дағы ең көп табыс табатын үздік 10 бапкердің қатарынан турнирмен Фабио Каннаваро (4 миллион еуро, Өзбекстан) мен Рональд Куман (3 миллион еуро, Нидерланды) да қоштасты.
Жоғары деңгейде футбол ойнау тәжірибесі жоқ бапкер
38 жастағы Нагельсманн - топ-құрамамен жұмыс істеп жатқан ең жас бапкерлердің бірі. Ұлттық командаға дейін ол "Хоффенхайм", "РБ Лейпциг" және ел чемпионатын жеңіп алған "Баварияда" өзін жақсы қырынан танытып үлгерді.
Сонымен қатар, маманды футболшы ретінде айтарлықтай мансабы болмағаны үшін жиі сынайды. Жасөспірімдер деңгейінде ол "Аугсбург" пен "Мюнхен 1860" сапында өнер көрсеткен, бірақ кейін жарақат алып, бапкерлікке бет бұрған.
Айта кетейік, Нагельсманнның Германия құрамасымен келісімшарты 2028 жылдың соңына дейін есептелген.
Тәкаппар әрі сүйкімсіз Нагельсманнның өз еркімен кетпеуі заңды. Бұл сәтсіз бапкерге жер бетінде DFB-ден басқа ешкім жылына 7 миллион төлемейді.
- Oliver Sept (@sept_oliver) June 30, 2026
Сондықтан да ол камера алдында осыншалықты ерсі жымиып, 14 миллион үшін ештеңе болмағандай жайбарақат отыра береді..! pic.twitter.com/kJN4ojFJlF
