Хабиб Нурмагомедов ӘЧ-2026 фаворитін таңдады

UFC аңызы, жеңіл салмақтағы бұрынғы чемпион Хабиб Нурмагомедов ӘЧ-2026 аясындағы Англия мен Конго ДР матчінде қай командаға басымдық беретінін айтты, деп хабарлайды Tengri Sport.

UFC-дің аңызға айналған бұрынғы чемпионы Хабиб Нурмагомедов 2026 жылғы футболдан Әлем чемпионатының 1/16 финалындағы Англия мен Конго ДР құрамалары арасындағы кездесуде "үш арыстанға" жанкүйер болатынын мойындады.

"Англияның бұл чемпионатта қаншалықты алысқа баратыны маған өте қызық. Команданың ұзақ маусымнан кейін қатты шаршағаны көрініп тұр, ойын өте көп болды, өйткені негізгі құрамда бір жыл бойы әр 3 күн сайын алаңға шыққан ойыншылар өнер көрсетеді, бұл үлкен жүктеме. Бірақ осы маусымда әлі үнсіз жүрген бір ойыншы (Беллингем) бар, оның алаңдағы жанталасына қарап, өзін футбол тілінде көрсеткісі келетіні байқалады. Қысқасы, мен Англия жағындамын, сондай-ақ Мексика - Англия матчін асыға күтемін", - деп жазды Нурмагомедов өзінің Telegram арнасында.

Хабиб футболдың үлкен жанкүйері және ағылшын Премьер-лигасын клубтық футболдың эталоны деп санайтынын бірнеше рет атап өткен. Ол АПЛ матчтерін тұрақты түрде бақылап отырады және мүмкіндігінше стадиондарға барып тұрады.

Сонымен қатар ол әлеуметтік желілерде АПЛ-ды әлемдегі ең үздік лига деп есептейтінін және онымен ешбір біріншілік теңесе алмайтынын жиі айтады.

Бұған тағы бір жарқын мысал ретінде Хабиб пен оның жақын серігі, UFC-дің қазіргі чемпионы Ислам Махачевтің АПЛ мен Ла Лига туралы пікірталасын айтуға болады. Жеңіл салмақтың жаңа чемпионы испан біріншілігін таңдаса, оның досы әрі тәлімгері ағылшын чемпионатын қолдады.

@unknowbjj Хабиб пен Ислам мүлдем қарама-қайшы ☯️ (айтпақшы, бит өте керемет) #khabib_nurmagomedov #islammakhachev #interview #questions #ufc #ufcfighter ♬ түпнұсқа дыбыс - 🥷🏽

Еске сала кетейік, Англия құрамасы L тобындағы топтық кезеңнен сенімді өтті. Тухель шәкірттері Хорватияны 4:2 есебімен жеңіп, Ганамен 0:0 есебімен тең түсті және Панаманы 2:0 есебімен ұтты. Нәтижесінде ағылшындар бірінші орын иеленіп, плей-оффқа жолдама алды.

Ал Конго ДР ұзақ уақыттан бері алғаш рет мундиальдың финалдық кезеңіне өтіп, үшінші орынмен топтан шығып, сенсация жасады. Соңғы турда Өзбекстанды 3:1 есебімен жеңуі шешуші фактор болды, осы нәтиже африкалық құраманың 1/16 финалға шығуына мүмкіндік берді.

Айта кетейік, ӘЧ-2026 аясындағы Англия мен Конго ДР құрамалары арасындағы 1/16 финалдық матч бүгін, 1 шілдеде өтеді. Кездесу Қазақстан уақытымен 21:00-де басталады, ал тікелей трансляцияны Qazsport телеарнасының эфирінен, сондай-ақ ресми сайтында көруге болады.

ӘЧ плей-офф кезеңіндегі АҚШ пен Англия матчтері: Қазақстанда қайдан көруге болады?