Испания Әлем чемпионатында Австрияны сенімді жеңді

3 шілдеге қараған түні Испания құрамасы 2026 жылғы әлем чемпионатының 1/16 финалдық кезеңінде Австрия командасын жеңді, деп хабарлайды Tengri Sport.

Еске сала кетейік, испаниялықтар Н тобында Кабо-Вердемен тең түсіп, Сауд Арабиясы мен Уругвайды жеңіп, бес ұпаймен бірінші орын иеленген болатын.

Ал австриялықтар J квартетінде Иорданияны жеңіп, Аргентинадан ұтылып және Алжирмен тең ойнап, төрт ұпаймен екінші орынға табан тіреді.

Ойын барысы

Испания матчте 36-минутта есепашты, Микель Оярсабаль австриялықтардың айып алаңында Марк Кукурельяның пасын сәтті түйіндеді.

66-минутта испандықтар басымдықты еселей түсті: қорғаушы Педро Порро қарсылас айып алаңына басып кіріп, Алекс Баэнаның асырған добын басымен қақпаға бағыттады.

89-минутта испандықтар есепті ірі нәтижеге жеткізді. Марк Кукурелья Австрияның айып алаңына өткір пас шығарды, ол жерден табылған Микель Оярсабаль қақпашыны алдап өтіп, гол соқты.

Матчтің қорытынды есебі - Испания құрамасының пайдасына 3:0.

Осылайша, Испания құрамасы ӘЧ-2026 турнирінің 1/8 финалына жолдама алды, онда олар Португалиямен кездеседі.

“Роналдумания“: Криштианудың келуі Канадада бұрын-соңды болмаған дүрбелең туғызды