Испания құрамасы Португалияны жеңіп, ӘЧ 1/4 финалына шықты

Еске сала кетейік, 1/16 финалда португалдықтар Хорватиядан басым түссе (2:1), испандықтар Австрияны ойсырата ұтқан болатын (3:0).

Матч барысы

Бірінші таймда командалар допқа дерлік тең иелік етті - 55 те 45 пайыз көрсеткішімен Испания алда болды.

Испандықтар қарсылас қақпасына 8 соққы (оның 3-еуі нысанаға дөп тиді), ал португалдықтар 5 соққы (2-еуі нысанаға дөп тиді) бағыттады.

Екінші таймда да Испания басымдығын сақтап, допқа көбірек иелік етті және қақпаға жиі соққы жасады.

Бұл өз нәтижесін берді: 90+1-минутта қосалқы құрамнан алаңға шыққан Микель Мерино португалдықтардың айып алаңында ашылып, допты қақпаның жақын бұрышына дәл бағыттады.

Матчтің қорытынды есебі - Испания құрамасының пайдасына 0:1.

Осылайша, Испания құрамасы ӘЧ-2026 турнирінің 1/4 финалына шығып, онда АҚШ — Бельгия жұбының жеңімпазымен кездеседі. Испандықтар әлем чемпионатының ширек финалында жеңіске жеткен 2010 жылдан бері алғаш рет ойнайды.