“Жылап алдым“: Неймар Әлем чемпионатындағы дебютінен кейін эмоцияға берілді

Бразилия құрамасының жұлдызы Неймар 2026 жылғы әлем чемпионатындағы алғашқы матчінен кейін сезімге ерік берді, деп хабарлайды Tengri Sport.

Атақты бразилиялық футболшы 980 күннен кейін алғаш рет ұлттық құрама сапында алаңға шықты.

Неймар ӘЧ-2026 аясындағы Шотландияға қарсы ойынның 76-минутында алаңға қосылды. Ойыннан соң ол киім ауыстыратын бөлмеде көзіне жас алғанын айтты.

"Иә, мен киім ауыстыратын бөлмеде жылап алдым. Еліме көмектесуге мүмкіндік бергені үшін Құдайға алғыс айтамын, өте бақыттымын", - деп келтіреді Неймардың сөзін инсайдер Фабрицио Романо.

Еске сала кетейік, командалар 25 маусымға қараған түні Майамидегі (АҚШ) "Хард Рок" стадионында кездесті. Бразилия құрамасы 3:0 есебімен жеңіске жетті. Бразилиялықтар сапында жартылай қорғаушы Винисиус Жуниор (дубль) мен шабуылшы Матеус Кунья гол соқты.

Осы жеңістің арқасында Бразилия құрамасы 7 ұпай жинап, өз тобында бірінші орынға шықты.

Матчтың үздік ойыншысы болып мадридтік "Реалдың" және Бразилия құрамасының вингері Винисиус Жуниор танылды.

Қазақстандық клуб ойыншысы тарихта алғаш рет ӘЧ-2026 плей-офф кезеңіне шықты