+7 (777) 001 44
99
UFC жұлдызы, жеңіл салмақ өкілі Арман Царукян чемпион Джастин Гейтжидің уәде етілген көліктен дөрекі түрде бас тартқанына жауап берді, деп хабарлайды Tengri Sport.
Еске сала кетейік, Ақ үйде өткен UFC турниріндегі титулдық жекпе-жекте Джастин Гейтжи Илия Топурияны жеңгеннен кейін, промоушен жұлдызы Арман Царукян оған жаңа жол талғамайтын көлік сатып алып беруге уәде берген болатын.
Бұған дейін америкалық спортшы жаңа Dodge Ram алғысы келетінін мәлімдеген.
"Мен Dodge Ram таңдаймын. Маған жаңа пикап керек, өзімдікін Тони Фергюсонды жеңген кезде сатып алғанмын, оның жүрілген жолы 65 мың мильге жуықтады, сондықтан оны жібере бер", - деді Гейтжи баспасөз мәслихатында.
Instagram-дағы бұл жарияланымды көру
Алайда кейінірек оның ойы өзгерді - ол көліктен дөрекі түрде бас тартты. Джастин Гейтжидің айтуынша, ол көлікті Арманның алып бергенін біле тұра міне алмайды.
"Мен мына оңбаған Арманнан пикапты қабылдамаймын. Оны одан ала қоюым екіталай. Яғни, мен күн сайын мына жігіт алып берген пикаппен ауыл-аймақты аралап жүруім керек пе? Білмеймін... Арман маған ештеңе сатып беруге міндетті емес", - деді Гейджи Джо Роганға берген сұхбатында.
Джастин Гейтжи Илия Топурияны жеңгені үшін Арман Царукян ұсынған көліктен бас тартты 😭
— Happy Punch (@HappyPunch) 20 маусым, 2026 жыл
"Мен мына оңбаған Арманнан пикапты алмаймын. Басқа біреу алып берген көлікпен күн сайын шіреніп жүре алмаймын" 💀
(арқылы @joerogan) pic.twitter.com/MUisqQMWIT
Кейінірек танымал интервьюер әрі модель Нина Мари Даниэльдің стримінде армян файтер жаңа чемпионның бұл қылығына көңілі толмайтынын білдірді.
Царукян көлікті сатып алып қойғанын, енді оны біреуге беру керек екенін айтты. Спортшы темір тұлпарды өз оқырмандары арасында ойнатуды жөн көрді.
"Джастин: "Мен көлікті алмаймын" дейді. Онда кет ары, мен оны саған бермеймін. Егер алғың келмесе, демек, сен оған лайықты емессің. Кеше оның жауабын көріп, таңғалдым. Не деген масқара! Көлік сатып алынып қойған, сондықтан мен оны бәрібір сыйлауым керек. Бірақ енді оны менің оқырмандарымның бірі алады. Енді мен сені жекпе-жекте талқандаймын. Соны асыға күтемін. Саған менің жол талғамайтын көлігім керек емес пе? Дөрекілік танытқанша, "рақмет" десең болар еді. Неге мұншалықты арамзасың? Мен сенің сазайыңды беремін", - деді Арман Царукян.
Арман Царукян Джастин Гейтжидің көліктен бас тартқанына АШУЛЫ 😳
— Happy Punch (@HappyPunch) 21 маусым, 2026 жыл
"Көлік дайын тұр еді. Бұл не дегенің, бауырым? Егер алғың келмесе, жолың болсын!
Сенің сазайыңды беретін күнді асыға күтемін. Неге мұншалықты арамзасың? Нағыз оңбаған екенсің" https://t.co/P3BNfSpb4X pic.twitter.com/6Hb4XX6zKX
Гейтжи ірі сенсация жасап, титулды жеңіп алды
Еске сала кетейік, Вашингтондағы (АҚШ) Ақ үй аумағында өткен UFC 250 Freedom турнирінің басты кездесуінде екі жұлдызды файтер - Илия Топурия мен Джастин Гейтжи кездесті.
Көптің болжамына қарамастан, жекпе-жек чемпиондық раундтарға дейін созылып, онда Джастин Гейджи қарсыласынан анық басым түсті. Төртінші раундтың аяғында Топурияның беті ісіп, қан жоса болды. Оның командасы бесінші раундқа шығармау туралы шешім қабылдап, жекпе-жек Гейджидің мерзімінен бұрын жеңісімен аяқталды.
Instagram-дағы бұл жарияланымды көру
