“Қоңырауға алаңдамаңдар“: бапкер Испания құрамасына талап қойды

БАҚ мәліметінше, бапкерді ұлттық құраманың басты жұлдыздары мундиаль кезінде басқа клубтарға ауысуды ойлап жүргені алаңдатады.

"Бапкер клубтардың өз уақыты барын және трансфер нарығы Әлем чемпионаты кезінде тоқтап қалмайтынын түсінеді. Бірақ ол титулдан үміткер командаға бәсекелестік орта қажет екенін де ұғып отыр. Испания қиын кезеңнен өтті, енді ширек финал алдында сыртқы келіссөздердің команда тұрақтылығына нұқсан келтіруіне жол бере алмайды.

Талап нақты: қоңырауларға алаңдамай, шешім қабылдауды кейінге қалдыру және кез келген трансферден гөрі команда ішіндегі ауызбіршілікті жоғары қою. Де ла Фуэнте Испания құрамасы әлі жарыс жолында жүргенде, ойыншылардың есімі "Барселонамен", "Реалмен" немесе кез келген басқа клубпен қатар аталғанын қаламайды", - дейді БАҚ.

Еске сала кетейік, Әлем чемпионаты кезінде мадридтік "Реал" "Челси" қорғаушысы Марк Кукурелья трансферін жариялаған болатын. Ауысудан бір күн өткен соң команда Кабо-Верде құрамасын жеңе алмады.

Қазір БАҚ-та Испания құрамасының шабуылшысы Микель Оярсабальға "Барселона" қызығушылық танытып отырғаны, ал жартылай қорғаушы Родри "Реалға" ауысуы мүмкін екені туралы ақпарат тарап жатыр.

Испания құрамасы ӘЧ-де

Еске сала кетейік, Испания құрамасы 1/8 финалда Португалияны жеңіп, Криштиану Роналдуды турнирден шығарды. Ойындағы жалғыз голды 91-минутта Микель Мерино соқты.

Ширек финалда испаниялықтар Бельгия командасымен кездеседі. Матч 11 шілдеге қараған түні өтеді.

Испания құрамасы Португалияны жеңіп, ӘЧ 1/4 финалына шықты

“Реал“ Франция құрамасының жұлдызымен келісімшартқа отырды: бұл Олисе емес

Әлем чемпионатының 1/4 финалына шыққан барлық жұп анықталды