+7 (777) 001 44
99
Мадридтік "Реал" "Ливерпульдің" бұрынғы ойыншысы және Франция құрамасының қорғаушысы Ибраима Конатенің трансферін жариялады, - деп хабарлайды Tengri Sport испандық клубтың баспасөз қызметіне сілтеме жасап.
Клубтың мәліметінше, қорғаушымен келісімшарт 2030 жылдың 30 маусымына дейін жасалған. 27 жастағы футболшы 2021 жылдан бері "Ливерпуль" намысын қорғап келді.
Айта кетейік, бұл "Реалдың" әлем чемпионаты кезіндегі үшінші трансфері.
Бұған дейін клуб Испания құрамасының Кабо-Вердеге қарсы матчіне бір күн қалғанда "Челсиден" Марк Кукурельяның ауысқанын мәлімдеген болатын. Қорғаушы алаңда толық матч өткізгенімен, Еуропа чемпиондары африкалық команданың 40 жастағы қақпашысы Возиньоның қақпасынан саңылау таба алмады.
Instagram-дағы бұл жарияланымды көру
Сондай-ақ мадридтік клуб "Манчестер Ситиден" португалиялық Бернарду Силваны қатарына қосты.
Трансфер туралы хабарланғаннан кейін жартылай қорғаушы Конгоға қарсы матчте ұлттық құраманың бастапқы құрамында шығып, ойын 1:1 есебімен тең аяқталды.
Instagram-дағы бұл жарияланымды көру
Ал Конатеге келсек, ол Франция құрамасының әлем чемпионатындағы Сенегалға қарсы алғашқы матчінде қосалқы құрамда қалып, алаңға шыққан жоқ. Келесі матчте француздар Ирак командасымен ойнайды.
Instagram-дағы бұл жарияланымды көру
Конате "Ливерпульде" өткізген бес жыл ішінде Англия чемпионы атанып, ел Кубогы мен Лига кубогын иеленді.
Мадридтік "Реал" құрамында әлемдегі ең қымбат ойыншылардың бірі Килиан Мбаппе, сондай-ақ оның Франция құрамасындағы серіктесі Орельен Тчуамени ойнағанына қарамастан, екі жыл қатарынан маңызды трофейлерсіз қалды.
